Nis tërheqja e policisë nga objektet e komunave në Veri

Ka nisur tërheqja e një pjese të policëve nga objektet komunale në Veri, bazuar në marrëveshjen e arritur ndërmjet Besnik Bislimit e Miroslav Lajçak në Bratisllavë.

Lajmin e ka konfirmuar Veton Elshani, Zëvendësdrejtori i Policisë për rajonin e veriut.

”Pas pranimit të vendimit të Qeverisë nga ana e Menaxhmentit të Policisë, i njëjti është dërgu në terren për ekzekutim. Vendimi i Qeverisë së Kosovës ka filluar të implementohet”, ka thënë Elshani.

Marrëveshja e arritur në Bratisllavë parashikon largim prej 25 % të policisë së Kosovës të vendosur atje kur u dërguan kryetarët e komunave të zgjedhur në zgjedhjet e 23 Prillit.

Tash e më shumë se një muaj në Veri ka pasur tension, pasi serbët lokalë që në raste protestonin dhunshëm kundërshtonin kryetarët shqiptarë në komunat veriore dhe policët e Kosovës për rreth.

Lajmi kryesor:

Nis tërheqja e policisë nga objektet e komunave në Veri! Kurti: Pajtimi me BE vendos barazi në dialogun Kosovë-Serbi! Vuçiç: Duan të na bëjnë fajtor

M.Q./Shqiptarja.com

TAG:
• serbi
• tensione ne veri te kosoves
• kosove
• Albin Kurti
• Komisioni Europian
• Ursula von der Leyen