POP 5

Lajmet më të lexuara të 5 minutave të fundit

Kronikë

Nis zëvendësimi i Llallës,Kuvendi:
Prokurori i ri duhet me 84 vota

Nesër është dita e fundit e punës së Kryeprokurorit Adriatik Llalla, pasi i mbaron mandati në krye të organit të akuzës, ndërsa Komisioni i Ligjeve ka nisur procedurën për zgjedhjen e pasuesit të tij.  Shumica ka deklaruar se do të zgjedhë një prokuror të përkohshëm deri në ngritjen e KLP, opozita e ka kundërshtuar. Komisioni i Ligjeve mblidhet nesër në ora 11:00  VIDEO
Nis zëvendësimi i Llallës,Kuvendi:<br />Prokurori i ri duhet me 84 vota<br /><br>
Komisioni i Ligjeve nis nesër procedurën për zëvendësimin e Adriatik Llallës. Fiks në ditën e tij të fundit të punës në krye të Prokurorisë së Përgjithshme brenda mandatit të tij 5 vjeçar, Ligjet do të mblidhen për të shqyrtuar memon e hartuar nga Drejtoria e Monitorimit të Institucioneve të Pavarura dhe Sekretari i Përgjithshëm i Kuvendit për këtë cështje.

Por si e sheh ky organ brenda Kuvendit zgjedhjen e pasuesit të Llallës? EURALIUS dhe OPDAT, e lexon këtë situatë njëlloj si Partia Socialiste dhe mbështet zgjedhjen e një prokurori të përgjithshëm të përkohshëm me shumice të thjeshtë, pra 71 vota. 

Por brenda Kuvendit si institucion ka tjetër interpretim. Drejtoria për Monitorimin e Institucioneve të Pavarura, me kërkesë të Kryetarit të Komisionit të Ligjeve, Ulsi Manja, ka përgatitur një raport për situatën, të cilin ja ka dërguar edhe kreut të Kuvendit, Gramoz Ruçi.

Sipas kësaj memoje të cilën Report TV e ka siguruar, ky organ i Kuvendit konstaton se Llallës mandati i mbaron në 7 dhjetor.  Por ndryshe nga PS dhe nga EURALIUS, Drejtoria e Monitorimit të Institucioneve të Pavarura në Kuvend, thotë se prokuroi i ri i përgjithshëm duhet të zgjidhet me shumicën e cilësuar prej 3/5, ose 84 vota, vota të cilat PS nuk i ka pa opozitën.

Në parashtrimin e argumenteve juridike, kjo drejtori e Kuvendit thotë se në zbatim të ligjit organik për prokurorinë duhet të zbatohet neni trazitor dhe të zgjidhjet një kryeprokuror i përkohshëm, por shumica e nevojshme për votim duhet të jetë sipas Kushtetutës për kryeprokurorin, pra me 84 vota.

Pavarësisht se kjo memo e kësaj drejtorie brenda Kuvendit nuk është detyruese, por këshilluese për ata që e kërkojnë, qartësisht e bën më të vështirë gjetjen e një zgjidhjeje të pa kontestuar për pasuesin e Prokurorit të Përgjithshëm.

Mbledhja e nesërme në 11:00 pritet të jetë e nxehtë, pasi opozita e konsideron kapje të drejtësisë zgjedhjen me shumicë të thjeshtë të pasuesit të Llallës. I gjithë ngërçi ka ardhur për faktin se Këshilli i Lartë i Prokurorisë ende nuk është ngritur. Nëse ky organ nuk do të ishte zvarritur, atëherë prokurori do të ishte zgjedhur me 84 vota qysh në muajin gusht me procedurë normale kushtetuese. 

(Memoja e Kuvendit per Komisionin e Ligjeve)

dy.b/shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04