Presidenti Nishani ka dekoruar pas vdekjes Imzot Zef Skanën për kontributin si klerik për idealet “Fe e Atdhe” dhe për edukimin e virtyteve të larta morale si misionar i pajtimit të gjaqeve në Mirditë.
 
Nishani e ka cilësuar  përhapës të kulturës, paqes dhe përparimit, si veprimtar shoqëror në lëvrimin e letrave shqipe dhe në përhapjen e arsimit në mesin e shekullit XX.

Dekorata u është dorëzuar nga Presidenti Nishani familjarëve të klerikut Zef Skana.

"Presidenti i Republikës, Sh.T.Z. Bujar Nishani i akordoi Imzot Zef Skanës (pas vdekjes) Dekoratën “Nënë Tereza” me motivacionin: “

Për kontributin e shquar si klerik që shkriu jetën për idealet “Fe e Atdhe”, për edukimin e virtyteve të larta morale si misionar i pajtimit të gjaqeve në Mirditë, përhapës i kulturës, paqes dhe përparimit, si veprimtar shoqëror në lëvrimin e letrave shqipe dhe në përhapjen e arsimit në mesin e shekullit XX”" thuhet në njoftimin e Presidencës. 

[gallery]19696[/gallery]

dy.b/shqiptarja.com