Në Korçë, Admir Belishta prej prillit 2011 vazhdon detyrën, ndësa është shpallur vendi vakant. Në Krujë, Rexhina Merlika vazhdon detyrën, ndërkohë që është shpallur vendi vakant nga marsi i 2013. Në Kukës Granit Qypi, i deleguar, ndërsa është shpallur vendi vakant në qershor 2010. Në Kurbin, Alfred Gjoni vazhdon detyrën ndërkohë që është shpallur vendi vakant në mars 2012. Në Lushnjë, Anila Karanxha, e deleguar, ndërkohë që është shpallur vendi vakant në maj 2013. Në Sarandë, Alltun Çelaj vazhdon detyrën ndërkohë që është shpallur vendi vakant në mars 2012. Në Shkodër, Arbër Çela i deleguar, ndërsa është shpallur vendi vakant në shtator 2012.
Në Tropojë, Dritan Seçi vazhdon detyrën, ndërkohë që është shpallur vendi vakant në mars 2012. Në Vlorë, Skënder Haluci, i deleguar, ndërkohë që është shpallur vendi vakant në mars 2012. Në shkallën e parë të Krimeve të Rënda, Sandër Simoni, i deleguar, ndërkohë që është shpallur vendi vakant në nëntor 2010. Situata në Gjykatën e Apelit është më dramatike. Nga 7 gjykata vetëm një ka kryetar me mandat, ajo e Tiranës, ndërsa 6të tjera, përfshi atë të Krimeve të Rënda, janë me komandim ose vazhdojnë detyrën pa mandat.
Pa mandat është dhe kryetari i Gjykatës Administrative në Tiranë, Durrës, Korçë, Shkodër, Vlorë dhe Gjirokastër. Kjo situatë absurde në sistemin e drejtësisë vjen nga fakti se drejtuesit e KLD, Nishani e Çefa, kanë ngrirë emërimet për shkaqe politike dhe për të mbajtur në lojë miqtë e familjes Berisha, të infiltruar në gjykatë. Kjo ka bërë që KLD të humbasë funksionin e saj dhe të jetë përgjegjëse për situatën dramatike ku ka përfunduar drejtësia shqiptare.
Kushtetuta e Shqipërisë
Neni 89
Presidenti i Republikës nuk mund të mbajë asnjë detyrë tjetër publike, nuk mund të jetë anëtar partie dhe as të kryejë veprimtari tjetër private.
Neni 90
1. Presidenti i Republikës nuk ka përgjegjësi për aktet e kryera në ushtrim të detyrës së tij.
2. Presidenti i Republikës mund të shkarkohet për shkelje të rëndë të Kushtetutës dhe për kryerjen e një krimi të rëndë. Propozimi për shkarkimin e Presidentit në këto raste mund të bëhet nga jo më pak se një e katërta e anëtarëve të Kuvendit dhe duhet të mbështetet nga jo më pak se dy të tretat e të gjithë anëtarëve të tij.
3. Vendimi i Kuvendit i dërgohet Gjykatës Kushtetuese, e cila, kur vërteton fajësinë e Presidentit të Republikës, deklaron shkarkimin e tij nga detyra.
Shkrimi u publikua sot (24.12.2013) në gazetën Shqiptarja.com (print)
Redaksia Online
(d.d/shqiptarja.com)
