Presidenti i Republikës së Shqipërisë, Bujar Nishani i ka dërguar një mesazh solidariteti për viktimat e tërmetit homologut të tij kinez, Xi Jinping.

Nishani i ka shprehur keqardhjen e gjithë popullit shqiptar për pasojat tragjike të tërmetit që goditi Kinën ditën e shtunë.

“Me trishtim të madh po ndjekim situaatën e vështirë që po kalon Republika Popullore e Kinës, ku si pasojë e tërmetit humbën jetën tragjikisht qindra njerëz dhe janë shkaktuar dëme të konsiderueshme materiale”, shprehej Presidenti Nishani në letrën e tij.

Në përfundim të fjalë së tij, Nushani tha se populli mik dhe kurajoz kinez do të gjejë forcën të kapërcejë pasoja e rënda të kësaj tragjedie natyrore.

(v.gj/shqiptarja.com)