Të kaltrit përballë do të kenë një rival jo të lehtë siç është Suedia. Të premten luhet sfida e parë dhe të hënën ajo e kthimit. Trajneri Gian Piero Ventura është i bindur se Italia e tij shkon në Botëror.”Duhet të bëjmë çdo gjë për të siguruar kualifikimin.
Humbja ndaj Spanjës na largoi disa qartësi por jo besimin tonë. Ne do të shkojmë në Botëror pasi një komb i tërë është me ne “ e mbyll Ventura. Italia e ka të ndaluar të gabojë në dy ndeshjet ndaj Suedisë dhe skuadra do ketë mbështetjen e tifozëve.
Takimi i kthimit do luhet në “San Siro” ku që një javë përpara ndeshjes janë shitur 65 mijë bileta. Nga ana tjetër Suedia kërcënon të kaltrit dhe nuk niset e humbur. Trajneri Jane Anderson thotë: Nuk dua asgjë më shumë në këtë Botë se të shkojmë në Rusi,i kemi cilësitë ta mundim Italinë”.
Faza e play-off-it për Europën nis të enjten me dy përballje Irlandë e Veriut –Zvicër dhe Kroaci-Greqi. Të premten luhet Suedi-Itali dhe të shtunën Danimarkë-Republika e Irlandës. Nga këto çifte do dalin katër skuadrat e fundit të zonës europiane që do të shkojnë në Rusi.
dy.b/shqiptarja.com