Nisin sërish luftimet! Armenia akuzon Azerbajxhanin për shkelje të armëpushimit të ri

Armenia ka akuzuar Azerbajxhanin për shkelje të një armëpushimi humanitar në rajonin e diskutueshëm të Nago-Karabakut brenda pak minutash nga hyrja e saj në fuqi.

Një armëpushim ishte rënë dakord të fillonte në mesnatën e kohës lokale (20:00 GMT e Shtunë).

Por një zëdhënëse e ministrisë armene të Mbrojtjes tha se Azerbajxhani theu armëpushimin pas vetëm katër minutash duke gjuajtur predha artilerie dhe raketa. Azerbajxhani ende nuk është përgjigjur akuzave.

LEXO EDHE:
Rëzimi i avionit, Azerbajxhani shpall 26 dhjetorin ditë zie kombëtare

Vendimi për armëpushimin u mor në përputhje me marrëveshjet që çuan në një armëpushim të nënshkruar fundjavën e kaluar. Sidoqoftë, përplasjet vazhduan pavarësisht nga kjo marrëveshje.

Luftimet u ndezën muajin e kaluar mbi një rajon të njohur ndërkombëtarisht si pjesë e Azerbajxhanit, por që drejtohet nga Armenët etnikë. Deri në këto momente që pas nisjes së luftimeve qindra persona kanë humbur jetën.

Këto janë luftimet me pasoja më të rënda, që pas një lufte 6 vjeçare që përfundoi në vitin 1994, shkruan BBC.

Cila është marrëveshja e fundit?

Të dy kombet konfirmuan armëpushimin humanitar. Ministria e Jashtme e Azerbajxhanit tha se vendimi u bazua në deklaratat e presidentëve të SHBA-së, Francës dhe Rusisë, që përfaqësojnë Grupin e Minskut të OSBE-së, një organ i ngritur në 1992 dhe i kryesuar nga të tre vendet për të ndërmjetësuar konfliktin e Nago-Karabakut.

Punëtorët e shpëtimit në vendin e luftimeve në qytetin Azerbajxhan të Ganja

Anna Naghdalyan, zëdhënëse e Ministrisë së Jashtme të Armenisë mbajti të njëjtën deklaratë, duke shtuar se mirëpriti përpjekjet drejt një "armëpushimi dhe de-përshkallëzimi të tensionit" në zonën e konfliktit.

Ministri i Jashtëm rus Sergei Lavrov, i cili negocioi marrëveshjen e fundjavës së kaluar, foli me homologët në të dy vendet dhe tha se ata kishin nevojë të "ndiqnin me përpikëri" marrëveshjen e mëparshme.

Cilat janë të dhënat e fundit?

"Armiku gjuajti predha artilerie në drejtimin verior nga ora 00:04 deri në 02:45, (20:04 deri në 22:45 GMT të Shtunën) dhe gjuajti raketa në drejtimin Jugor nga 02:20 deri në 02:45," tha zëdhënësi në Ministrinë e Mbrojtjes në Armeni Shushan Stepanyan, përmes një postimi në Tëitter.

Azerbajxhani akuzoi Armeninë për një sulm me raketa në orët e para të së shtunës që vrau të paktën 13 civilë dhe plagosi 45 persona në Ganja, një qytet larg vijave të frontit.

Një deklaratë e ministrisë së jashtme akuzoi Armeninë për "shënjestër të qëllimshme dhe pa kriter të civilëve".

Zyrtarët armenë e mohuan sulmin dhe akuzuan Azerbajxhanin për sulm ndaj zonave civile.

Stepanyan postoi një video në Facebook e cila tha se tregoi shkatërrim në rajonin e Nago-Karabakut, duke akuzuar Forcat e Armatosura të Azerbajxhanit për sulme ndaj civilëve me raketa në zona duke përfshirë kryeqytetin e Nago-Karabakut, Stepanakert. Në kohën Sovjetike, ajo u bë një rajon autonom brenda republikës së Azerbajxhanit, njohur ndërkombëtarisht si pjesë e Azerbajxhanit, por shumica e popullsisë është armene etnike.

TAG:
• Azerbajxhan
• luftimet
• Armenia

Sondazhi i ditës:

Si ka qenë për ju viti 2024?

• I mirë

  44.1%

• I keq

  22.7%

• As i mirë as i keq

  33.2%

Vota total: 1500

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq