Sot duke nisur nga ora 08:00 deri në 16:00 do të zhvillohen zgjedhjet në Universitete, një vendim i marrë para pak ditësh nga Ministria e Arsimit dhe i shumë debatuar nga PD-ja dhe jo vetëm, që i ka konsideruar të paligjshme, pasi sipas tyre pandemia nuk i lejon kandidatët të bëjnë fushatë dhe gjithashtu vendos jetën e studentëve në rrezik.
Nga të dhënat mësohet se do të votojnë 718 personel akademik dhe mbi 25 mijë studentë. Për universitetin e Tiranës janë në garë tre rektorë, Artan Hoxha, Mimoza Hafizi dhe Kozeta Sevrani.
68 vëzhgues do të jenë për kandidatët për rektor dhe deri tek përgjegjësi i departamentit, ndërsa 93 vëzhgues nga studentët. sakaq 3 vëzhgues nga sindikatat dhe 4 media të akredituara.
Mësohet se votimi ka nisur në të gjithë fakultetet. Te ekonomiku për dekan kandidon Dhori Kule, ndërsa nga ky fakultet Kozeta Sevrani kandidon për rektore. Te Ekonomiku janë gjithsesj 5000 studentë të cilët pritet të votojnë për organet drejtuese.
Roland Zisi është zgjidhur rektor i universitetit "Ismail Qemali" në Vlorë me 119 vota. Zisi la pas Yllka Stramarkon me 63 vota dhe dhe Shyqyri Hysin me 30 vota.
Bektash Mema është zgjedhur ditën e sotme rektor i universitetit "Eqerem Çabej" në qytetin e Gjirokastrës.
Kseanela Sotirofski është zgjedhur rektore e universitetit "Aleksandër Moisiu" në qytetin e Durrësit pas zgjedhjeve në universitete ditën e sotme.
Suzana Golemi është rektorja e re e universitetit "Luigj Gurakuqi" të Shkodrës. Nga numërimi i votave të pedagogëve ajo ka dalë fituese me 2 vota diferencë. Ndërkohë po numërohen votat e studentëve por në bazë të formulës, pritet që ato të mos ndikojnë në këtë rezultat. Golemit ia dhanë fitoren bindëse dy fakultete, ai i Shkencave të Natyrës ku ishte vetë dekane dhe Drejtësia, ku fitoren e ka pasur më bindëse. Përballë saj në këtë garë ishte Adem Bekteshi, rektori në detyrë. Suzana Golemi pas betimit tek presidenti do te jetë për 4 vitet e ardhshme rektore e universitetit të Shkodrës, ndër më të mëdhenjtë në vend.
Artan Hoxha është zgjedhur rektor i Universitetit të Tiranës me 54% të votave nga pedagogët duke lënë pas Mimoza Hafizin me 27 % dhe Kozeta Sevranin me 19%. Deri tani kanë dalë rezultatet e votës së personelit akademik, por ende po numërohen votat e studentëve, edhe pse vota e tyre nuk ndikon. Artan Hoxha nga Fakulteti i Drejtësisë kryesoi me 348 vota, kurse Mimoza Hafizi nga Shkencat e Natyrës siguroi 176 dhe Kozeta Sevrani nga Fakulteti i Ekonomisë 122 vota.
Dhimitër Bello është rektori i ri i universitetit Fan S.Noli Korçë. Burime të siguruara nga Report Tv bëjnë me dije se profesori i njohur i gjuhë-letërsisë ka fituar 95 vota pedagogesh ndaj 54 votave të kandidatit për rektor Lorenc Ekonomi. Bello ka fituar ndaj Ekonomit në të katërt fakultetet e këtij universiteti.
Fitoret më të thella i ka pasur në Fakultetin Ekonomik dhe atë të mësuesisë ndërkohë që me 7 vota më tepër pedagogësh Bello ka fituar edhe në Fakultetin e Shkencave Humane atje ku pritej që fitorja të kalonte në anën e Ekonomit pasi është pedagog në këtë fakultet. Diferenca prej gati 40 vota pedagogësh nuk i krijon mundësi Ekonomit për të përmbysur rezultatin e krijuar nga votat e studentëve ,pasi 3200 studentë me të drejtë vote nuk prodhojnë më shumë se 16 vota pedagogësh.
Një grup studentësh kanë kundërshtuar zgjedhjet në universitete. Dje ata patën edhe një takim me presidentin Meta duke i kërkuar që të mos i njohë zgjedhjet. Ditën e sotme grupi i studentëve shpalosën një banderolë përpara Politeknikut.
Kontestimet e grupit te studenteve per zgjedhjet ne universitete
Që prej orës 8:00 të mëngjesit në Universitetin Fan Noli në Korçë, ka filluar procesi i votimit në bazë të të cilit do të zgjidhen organet drejtuese në këtë vend.
Qendrat e votimit janë hapur në 4 fakultete dhe votimi po vijon normalisht duke zbatuar protokollin e sigurisë.
Për postin e rektorit të Universitetit Fan Noli janë në garë Lorenc Ekonomi dhe Dhimitër Belo.
Fakulteti i Ekonomisë ka dy kandidate, Ledina Alolli dhe Sonela Stillo, ku votojnë 34 pedagogë.
Fakulteti i mësuesisë ka tre kandidatë Irena Nika, Pavllo Cicko dhe Jonela Spaho, ku votojnë 45 pedagogë.
Fakulteti i Bujqësisë ka vetëm një kandidat, Gjergji Mero dhe votojnë 24 pedagogë.
Fakulteti i Shkencave ka një kandidat Robert Damo dhe votojnë 50 pedagogë.
Votimi do të vazhdojë deri në orën 16:00 ku stafi akademik dhe studentët do të zgjedhin rektorin, senatet akademike dhe përgjegjësit e departamenteve.
Te Fakulteti i Drejtësisë sot janë paraqitur shumë studentë, që siç duket edhe nga foto nuk respektojnë masat e koronavirusit, kryesisht distancën. Shumë prej tyre kanë shkuar për të hedhur votën e tyre, pasi sot janë zgjedhjet në universitete, por nuk mungojnë as ata të cilët kanë për të bërë mbrojtjen e temës së diplomës.
Një foto që habit jo pak është shpërndarë nga 'Qëndresa Qytetare' në lidhje me zgjedhjet në universitete, që po zhvillohen ditën e sotme. Në një nga fakultet e Tiranës duket që një kuti votimi është me logon e Partisë Socialiste.
Zgjedhjet e sotme në universitete janë kontestuar shumë nga opozita, e cila shpesh herë i ka quajtur si jo të ligjshme, pasi po zhvillohen në kushtet e pandemisë ku është e pamundur të bëhet fushatë dhe studentët kanë frikë të vijnë në godina për të votuar.
Sakaq një ditë para zgjedhjeve një grup stundentësh ishin në presidencë dhe i kërkuan Metës që mos të dekretonte zgjedhjet.
Komente
Lajme të tjera
-
Dosja e Suel Çelës/ Flamur Vezaj nxjerr zbuluar Artan Hoxhën: Kurrë s’kam marrë favore, as s'kam pranuar ndërhyrje
28 Nëntor, 19:18
-
Goditja e organizatës kriminale të Suel Çelës, SPAK: Publikimi i dosjes dëmton procesin hetimor
28 Nëntor, 17:32 -
Akuzat e Bardhit në 2021: Suel Çela në shërbim të Berishës e Nokës, u mblodhi firma për Kuvendin e PD! Si përdori në të njëjtën periudhë Artan Hoxha foton e Ramës me Çapjan për ta sulmuar (VIDEO)
28 Nëntor, 17:00 -
Dosja/ ‘Ne i arrestojmë, ajo i liron!’, Artan Hoxha dyshohet se ‘shiti’ te Suel Çela policin që denoncoi për lirim trafikantësh gjyqtaren Pajtime Fetahu
28 Nëntor, 13:54 -
Spartak Koka: Reagim dhe distancim nga përmendja e emrit tim në bisedat mes Artan Hoxhës dhe Suel Çelës
28 Nëntor, 13:15
-
Mahmutaj për Report Tv: E padëgjuar më parë në gazetari! Suel Çela pagoi Artan Hoxhën për të manipuluar informacionet, i ka shtrirë tentakulat deri te gazetarët! Inskenuan kërcënimin! E rëndë
27 Nëntor, 19:20 -
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48 -
DOSJA/ 'Këta budallej kërkonin për gëzhojë po snajperi s'lë', zbardhen përgjimet e Suel Celës me Artan Hoxhën! SPAK: Zv/shefi i policisë së Elbasanit i blen Benz, i informonte për hetimet e kontrollet
27 Nëntor, 10:07 -
Gazetarët Artan Hoxha dhe Elton Qyno shkojnë në SPAK! Iu vendos masa 'detyrim paraqitje', pas dyshimeve për lidhje me bandën e Suel Çelës
27 Nëntor, 09:50 -
Dosja e Suel Çelës, Meçe në ‘Repolitix’: Lidhjet me Artan Hoxhën, manipuloi hapësirën mediatike në shërbim të grupit kriminal! Mori zarfin në dorë
26 Nëntor, 22:10 -
DOSJA/ Artan Hoxha me SKYECC, chat-i i kriminelëve! Me Suel Çelën inskenuan kërcënimin me mesazhe dhe foto! Përgatitën ‘skaletën’ e emisionit Opinion! Takimet e pagesat
26 Nëntor, 19:54
-
SPAK godet Organizatën kriminale të Suel Çelës në Elbasan! Trafikoi kokainë nga Amerika Latine në BE! Korruptoi shefin e krimeve e gjyqtaren! ''Gazetarët morën para për keqinformim''
26 Nëntor, 12:17
Megjithe ato zullume zgjidhet prape Rolan Zisi, me dosje ne prokurorine e Vlores per vjedhje vajzen ne burg per trafik droge, a ka moral me ky vend? Siduke i ka mbushur xhepat partise... ta gezoni ju qe e votuat dhe ministresha mjere femijet tane
PërgjigjuKeta qe dalin me pankarta jane te paguarit ose maresit e celularit falas nga SHPKja Lsi.Ket ishin ata qe blinin diplomat nga universitetet e prodhuar nga lsi
PërgjigjuJane lristat e haremit erotiko politiko naziskin te Jales te frymezuar nga Nafije dybeku qe humbi cdo shans per te ardhur ne pushtet kjo fytyra me e urryer e planetit.
Përgjigju