TIRANË- Me kërkesë të Brukselit për formimin e instrumenteve kundër korrupsionit, shumica qeverisëse do të ndryshojë ligjin për auditimin e brendshëm në institucionet vendore dhe qendrore. Nisma ligjore që pritet të miratohet nga qeveria dhe më pas nga Kuvendi, fuqizon rolin e ministrit të Financave, në rastin konkret të Delina Ibrahimajt, duke i dhënë fuqi që të bllokojë buxhetin e çdo institucioni nëse titullari shmang dhe nuk zbaton ligjin për auditimin e brendshëm. Nëse kërkesat e ligjit nuk zbatohet nga drejtuesi i njësisë së auditimit të brendshëm, ministri i Financave i propozon titullarit të institucionit fillimin e procedurave disiplinore ndaj tij.
Drafti parashikon gjithashtu që ministri përgjegjës për financat jep pëlqimin me shkrim për emërimin dhe shkarkimin e drejtuesve të njësive të auditimit të brendshëm. Ky qartësim pritet të rrisë pavarësisë e drejtuesve të njësive të kontrollit nga ministrat, drejtorët dhe kryebashkiakët. Një nen i veçantë është shtuar, duke detyruar titullarët e institucioneve që të krijojnë një sistem për parandalimin e parregullsive dhe mashtrimeve. Audituesit e brendshëm informojnë për çdo parregullsi ose mashtrim të mundshëm titullarin e njësisë publike dhe nëse e konsideron të dobishme, organet kompetente.
“Pas pranimit të raportit për konstatimin e parregullsive, mashtrimeve dhe korrupsionit, titullari i njësisë publike, ndërmerr të gjitha masat e nevojshme dhe informon organet kompetente”, thuhet në ndryshimet ligjore.
Në rast se titullari i njësisë së audituar nuk ka ndërmarrë veprimet e nevojshme pas informacionit, drejtuesi i auditimit të brendshëm do të informojë dhe strukturën përgjegjëse për harmonizimin e auditimit të brendshëm në ministrinë për financat.
Për ndryshimet ligjore janë marrë parasysh edhe disa rekomandime të Kontrollit të Lartë të Shtetit. Gjatë auditimit të institucioneve publike në nivel qendror dhe vendorë, KLSH-ja konstatuar mungesën e funksionimit të auditit të brendshëm.
(Kliko këtu për të lexuar draftin e plotë)
Lajme të tjera
-
DRAFTI/ Amnisti fiskale e penale për pasurinë e emigrantëve, rezidentëve, bizneseve e shtetasve të huaj që janë tatimpagues në Shqipëri
24 Qershor, 12:56
-
KLSH: Zjarrfikëset në Shqipëri të vitit 1960! Nga 4 helikopterë ‘cougar’ që kanë Forcat e Armatosura vetëm njëri është funksional
24 Qershor, 09:31 -
Ndryshon projektligji për amnistinë fiskale! Deklarim vullnetar deri në 2 mln euro, tatimi deri 10%, legalizohen edhe pasuritë! Ja kategoritë që përjashtohen
23 Qershor, 21:24 -
Raporti/ Alqi Bllako afera me tendera si drejtor i Agjencisë së Ujësjellës-Kanalizimeve, 220 mijë USD për punë të pakryera, favorizime dhe procedura me shkelje të rënda
23 Qershor, 18:56
-
Ndryshon ligji/ Kush ka pagë mujore bruto 100 mijë lekë do dorëzojë deklaratën e të ardhurave
22 Qershor, 17:24
-
Ekskluzive/ Paketë e dytë financiare në mbështetje të qytetarëve dhe bizneseve për kompensimin e rritjes së çmimeve! Do jetë në fuqi deri në fund të vitit
21 Qershor, 13:35
-
Zgjedhjet në PS, Veliaj nga Njësia 5: Kundërshtarët tanë janë si ai që qëllonte me gurë tigrin, ne rritemi se investojmë për njerëzit
18 Qershor, 11:51 -
Shkelje me tenderat me vlerën 1.4 miliard lekë, KLSH kërkon ndëshkim për 74 punonjës të Bashkisë Fier
17 Qershor, 12:31 -
Bashkitë situatë kritike financiare, Vora dhe Kavaja në prag falimentimi! Rama: Nuk tolerojmë më, ju marrim nën administrim nëse shkojnë në kolaps
17 Qershor, 08:29 -
Moddy’s konfirmon vlerësimin për ekonominë shqiptare: E qëndrueshme, rritja do të ngadalësohet për shkak të luftës në Ukrainë
16 Qershor, 22:12 -
Abuzim me tenderët, KLSH 'shkund' Bashkinë e Vlorës! KLSH kërkon shkarkimin e 5 drejtorëve, 44 masa disiplinore
16 Qershor, 11:02 -
Konferenca anti-korrupsion, ministrja e Ekonomisë:Po punojmë që automatizimin e mbledhjes së taksave ta shtrijmë edhe në qeverisjen vendore
15 Qershor, 10:52
