Përmirësimi i ekonomisë së vendit në 8-mujorin e këtij viti është reflektuar edhe tek bizneset, të cilat e kanë pasur më të lehtë të paguajnë borxhet. Për këtë arsye nuk ka pasur edhe vonesa në shlyerjen e kredive dhe kjo dëshmohet në rënien e nivelit të huave me probleme.
Të dhënat e Bankës së Shqipërisë raportojnë se kreditë me probleme në muajin gusht kanë zbritur në nivelin më të ulët historik që prej vitit 2014 dhe qëndrojnë në nivelin e 6.9%, duke u ulur me 1.2% krahasuar me të njëjtin muaj të vitit të kaluar.
Sipas të dhënave nga 631,7 miliardë lekë që është totali i kredisë së dhënë për ekonominë deri në gusht, rreth 43.5 miliardë lekë janë kredi me probleme. Ndërkohë në vitin e kaluar totali i kredive me probleme ishte 48,1 miliardë lekë.
Ndikim në këtë rënie kanë dhënë edhe masat e ndërmarra nga Banka e Shqipërisë, e cila u dha mundësinë bankave të nivelit të dytë që të riskedulonin kreditë për ata klientë që kishin vështirësi financiare.
Nga ana tjetër bankat pavarësisht se kanë vijuar të kreditojnë ekonominë, kanë shtrënguar edhe kushtet për dhënien e huasë, për shkak të pasigurisë që vjen si pasojë e pandemisë dhe janë treguar më të kujdesshme në përzgjedhjen e klientëve. Shtrëngimi i masave sipas ekspertëve është edhe një mënyrë për t’u mbrojtur nga rritja e kredisë me probleme.
Por pavarësisht kësaj rënie të kredive me probleme, ende jemi në nivel më të lartë se vendet e rajonit, pasi në Kosovë në tremujorin e dytë kredia e keqe ishte 2.4%, Mali i Zi me 5.5% dhe Maqedonia e Veriut me 3.4%.
Në fillim të pandemisë COVID-19, ekspertët e bankës së Shqipërisë prisnin që kreditë e këqija të rriteshin deri në 10%, por që një rritje e tillë nuk u shkaktua, pasi edhe rënia ekonomike ishte më e ulët që parashikimet fillestare.
Lajme të tjera
-
Transfertat kombëtare në euro u rritën me 33% për 10-mujorin e këtij viti
22 Nëntor, 14:54 -
Shqipëria në SEPA/ Ambasadori Gonzato takim me Sejkon: Moment historik, qytetarët dhe bizneset më afër tregut unik të BE
22 Nëntor, 11:21 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Vrojtimi i Bankës së Shqipërisë/ 37% e bizneseve kanë një borxh për të shlyer! Të vegjlit marrin hua për shpenzime të papritura, të mëdhenjt 'zhyten' për investime
19 Nëntor, 22:34
-
Këshilli Europian i Pagesave shqyrton aplikimin e Shqipërisë në SEPA
16 Nëntor, 12:09 -
Zhvlerësimi i euros, BSH: Po bëjmë analiza për të ndërhyrë për të ndaluar rënien e shpejtë
15 Nëntor, 11:10 -
Banka e Shqipërisë kërkon rishikim të skemës së pensioneve, rrezik për financat publike! Zv/ Guvernatorja ep opinionin për pr/buxhetin 2025 tek 'Ekonomia'
15 Nëntor, 10:04 -
Vrojtimi i Bankës së Shqipërisë: 24% e familjeve shqiptare jetojnë me borxhe! Pjesa më e madhe për konsum e shëndetësi, 20% blejnë ‘ushqime me listë’
14 Nëntor, 18:48
-
Dollari fiton terren përballë lekut, rritet me 3% brenda këtij muaji! Euro vijon të zhvlerësohet pa ndalur
14 Nëntor, 14:21 -
Norma bazë e interesit u ul, BSH: Kreditë do jenë më të lira
12 Nëntor, 17:14
