POP 5

Lajmet më të lexuara të 5 minutave të fundit

Ekonomi

Niveli më i ulët historik, kreditë e këqija zbresin në 6.35%

Të dhënat e Bankës së Shqipërisë tregojnë se në muajin tetor kreditë me probleme kanë zbritur në nivelin më të ulët historik, në 6.35%. Ndikim pozitiv ka dhënë përmirësimi i gjendjes financiare të bizneseve dhe rritja e fuqisë paguese.

Gjallërimi i aktivitetit ekonomik, dhe rikthimi i xhiros për bizneset ka dhënë ndikim pozitiv në uljen e kredive me probleme. Gjatë muajit të kaluar sipas të dhënave bizneset e kanë pasur më të lehtë të shlyejnë detyrimet e tyre.

Banka e Shqipërisë raporton se niveli i kredive me probleme në muajin tetor ka zbritur në shifrën e 6.35%, që është niveli më i ulët që prej vitit 2008.

Kredia e keqe ka rënë edhe në raport me muajin shtator kur ishte 6.49%, ndërsa ulja është më e lartë në raport me tetorin e vitit të kaluar, kur sipas Bankës së Shqipërisë huatë me probleme ishin 8.29%.

Krahas uljes së huave me probleme është rritur edhe kreditimi i ekonomisë, pasi kredia e dhënë deri në muajin tetor arriti në 651,9 miliardë lekë, prej të cilës 41.3 miliardë lekë klasifikohet si kredi e keqe, nga 49.1 miliardë lekë që ishte në vitin 2020.

Ndikim në këtë rënie kanë dhënë edhe masat e ndërmarra nga Banka e Shqipërisë në vitin e kaluar, të cila u dhanë mundësinë bankave të nivelit të dytë që të rishikonin kushtet e kredive për klientët që kishin vështirësi financiare, në mënyrë që ta kishin më të lehtë shlyerjen e tyre.

Kjo ulje e shpejtë e huave me probleme, ka tejkaluar edhe parashikimet negative të Bankës së Shqipërisë, e cila në vitin e kaluar, presupozonte rritje të kredive me probleme deri në 10%.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës

Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës

24 Nëntor, 12:13