POP 5

Lajmet më të lexuara të 5 minutave të fundit

Kronikë

Njësia 4, rreth 500 familje pa ndihmë
ekonomike, AP: Zhbllokoni situatën

Avokati i Popullit i ka kërkuar Prefekturës së Tiranës, Këshillit të Minibashkisë numër 4 dhe vetë minibashkisë qe t’i japin zgjidhje ngërçit që po mban peng prej 3 muajsh dhënien e ndihmës ekonomike për 567 familje. 
TIRANE- Avokati i Popullit i ka kërkuar Prefekturës së Tiranës, Këshillit të Minibashkisë numër 4 dhe vetë minibashkisë qe t’i japin zgjidhje ngërçit që po mban peng prej 3 muajsh dhënien e ndihmës ekonomike për 567 familje. “Kërkojmë marrjen e masave të menjëhershme për zgjidhjen e situatës ndaj qytetareve, të cilët përfitojnë ndihmë ekonomike pranë Njësisë Bashkiake nr. 4, Tiranë.

Gjithashtu Avokati i Popullit i bën thirrje të gjithë organeve të administratës publike qendrore dhe vendore që raste të tilla të mos përsëriten”, thuhet në deklaratën e institucionit. Ndërkohë një javë më parë banorë të kësaj njësie bashkiake u ngritën në protesta për të kërkuar ndihmën e tyre të prapambetur që prej muajit janar të këtij viti. Arsyeja që ndihma ekonomike për këta banorë nuk jepet që prej fillim vitit është mosmbledhja e Këshillit të kësaj njësie bashkiake i cila duhet të miratojë listën e personave që përfitojnë ndihmën e cila më pas i dërgohet prefekturës.

Në deklaratën e Avokatit të Popullit, theksohet se në raste të tilla, mosmarrëveshjet midis palëve nuk kanë rëndësi në momentin kur cënohet e drejta dhe ndihma ndaj qytetarëve në nevojë apo grupeve vulnerabël, gjë që sipas Institucionit të Avokatit të Popullit është e papranueshme. Kjo lloj ndihme, sipas AP është një mbrojtje sociale që bëhet nga shteti si një detyrim për qytetarët apo shtetasit në nevojë.

Shkrimi u publikua sot (18.04.2014) në gazetën Shqiptarja.com (print)

Redaksia Online
(d.a/shqiptarja.com) 
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Spanjë/ Kapet gomonia me sasi të madhe kokaine, arrestohen 7 shqiptarë

Spanjë/ Kapet gomonia me sasi të madhe kokaine, arrestohen 7 shqiptarë

15 Janar, 21:46