Prezenca e OSBE- ODIHR në Tiranë ka dalë me një apel kundrejt deputetëve një ditë para mbledhjes së komisionit për reformën zgjedhore, duke u kërkuar që të kontriubojnë për një proces parlamentar të qetë dhe funksional.
Në një reagim në rrjetet sociale OSBE-ODIHR thekson se, përkushtimi i prezencës për një reformë zgjedhore gjithëpërfshirëse dhe në kohë mbetet i fortë.
“Çmojmë partneritetin tonë me Kuvendin e Shqipërisë ! U bëjmë thirrje të gjithë deputetëve të kontribuojnë për një proces parlamentar të qetë e funksional. Punimet e papenguara dhe dialogu konstruktiv në komisione janë thelbësore".
![](https://shqiptarja.com/template/img/NO_ALFA_Kuadrate shqiptarja.png)
Edhe një herë ka theksuar gatishmërinë për të asistuar një reformë zgjedhore gjithëpërfshirëse.
"Përkushtimi ynë për një reformë zgjedhore gjithëpërfshirëse dhe në kohë mbetet i fortë. Angazhimi pozitiv i të gjithëve është vendimtar për të pasur sukses”-thuhet në reagimin e OSBE.
Pas thuajse dy vitesh, komisioni i Reformës zgjedhore rimblidhet të premten në orën 11:00.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)