Një fundjavë në kryeqytetin shqiptar, në Berlinin e ri ku perceptohet tradita dhe inovacioni

Kryeqyteti i Shqipërisë, është Berlini i ri për gjallëri dhe mundësi. Nuk është një slogan, por një vëzhgim. Tirana të kujton shumë Berlinin menjëherë pas rënies së Murit, kur çmimet tërhoqën investimet, duke e shndërruar atë në një fener të artit, muzikës dhe jetës së natës të shekullit të njëzet e një. 

Komunizmi ra në vitin 1991 dhe rindërtimi ekonomik filloi relativisht kohët e fundit. Rezultati? Kudo që shkon, në Tiranë , percepton një dikotomi mes traditës dhe inovacionit, mes pasurisë dhe varfërisë, mes modernitetit dhe prapambetjes. 

Ndonjë shembull? Shumë pak dyqane dhe klube kanë ATM. Nuk ka tramvaje, trena apo metro. Nuk ka zonë për këmbësorë dhe trafiku është i tmerrshëm në çdo moment, por semaforët në qendër janë futuristik dhe taksitë janë kryesisht elektrike. Makineritë e reja për kontrollin e bagazheve në aeroport janë gjithashtu të mahnitshme, megjithëse pajisjet për leximin e kartave të imbarkimit nga një smartphone ende mungojnë.

Afërsia gjeografike dhe opsionet e shumta të fluturimeve direkte dhe me kosto të ulët e bëjnë Tiranën një destinacion lehtësisht të aksesueshëm për një fundjavë.

Qytete të tilla si Roma, Milano, Bergamo dhe Venecia ofrojnë fluturime të rregullta që ju lejojnë të arrini kryeqytetin shqiptar në më pak se dy orë, pa shqetësimin e jet lag dhe me çmime të ulëta.

Tirana është një përzierje kulturash dhe monumentet dhe muzetë e saj janë dëshmi e kësaj për një udhëtim nga epoka osmane në fazën komuniste deri në rilindjen aktuale.

Edhe pse të gjitha fetë ishin të ndaluara gjatë regjimit komunist, popullsia shqiptare është kryesisht besimtarë. Dhe, në qetësi absolute, ajo ndahet mes myslimanëve dhe të krishterëve përmes një përzierje kishash dhe xhamish. Ndonjëherë edhe përballë njëri-tjetrit. E mrekullueshme.

Kuzhina shqiptare, me ndikimet e saj mesdhetare dhe ballkanike, rezervon surpriza të këndshme. Restorantet, kafenetë dhe ambientet tipike ofrojnë mundësinë për të shijuar gatimet tradicionale shqiptare, si dhe riinterpretime të klasikëve italianë, në një atmosferë mikpritëse dhe autentike. Dhe me çmime të ulëta.

Tirana ka një jetë nate të gjallë, për të gjitha shijet: nga klubet e modës deri tek baret e rafinuara të koktejve ku mund të shijoni një pije në shoqëri të mirë, deri te ngjarjet kulturore dhe muzikore.

Mirëpritja e ngrohtë nga shqiptarët, të cilët pothuajse gjithmonë flasin italisht kur janë mbi 30 vjeç, na bën të ndihemi si në shtëpinë tonë, duke e bërë përvojën e udhëtimit edhe më të këndshme dhe autentike.

Kini kujdes, nëse udhëtoni me Ryanair dhe nuk dëshironi të investoni në zgjedhjen e vendit tuaj, kjo nënkupton nevojën për të printuar kartën e imbarkimit një ditë para nisjes në hotel ose në një dyqan të specializuar. Përndryshe, ju jeni të detyruar të shpenzoni 20 euro për biletë për printim në aeroport në tavolinën e linjës ajrore low cost./ Marrë nga 'Il Messagero'

G.K/Shqiptarja.com

TAG:
• Tirane
• turizmi