KORÇË- Mësimi vijon normalisht në Universitetin Fan S. Noli të Korçës por një grup studentësh mbasditen e sotme kanë vendosur të ngujohen brenda Fakultetit të Ekonomisë.
Gazetarja e Report Tv Iris Rezhda raporton se rreth 20 studentë ndodhen brenda ambienteve të Fakultetit ndërkohë policia private e Universitetit është prezente dhe nuk lejon asnjë person tjetër t'i bashkohet grupit të ngujuar duke kyçur derën. Ka qenë një postim i Këshillit Studentor të Universitetit Fan S. Noli i cili i bën thirrje edhe studentëve të Korçës të ngujohen. Sipas postimit, Këshilli Studentor kërkon rrëzimin e ligjit për Arsimin e Lartë si dhe plotësimin e 17 kërkesave të studentëve të Universitetit Fan S. Noli drejtuar Rektoratit pak ditë më parë, por që nuk janë plotësuar edhe pse afati i ultimatumit ka mbaruar.
Postimi i Këshillit Studentor të Universitetit Fan S. Noli
Mësohet se studentët do të qëndrojnë edhe gjatë natës duke përdorur mjete rrethanore për t'u ngrohur për shkak të temperaturave të ulëta në qytetin e Korçës.
Kështu Korça bëhet qyteti i katërt në të cilin studentët zbatojnë idenë e ngujimit brenda Fakutleteve pas Tiranës, Durrësit dhe Elbasanit.
Lajme të tjera
-
S’ka bashkim me Tiranën, Kushi: Universiteti i Korçës i ka të gjitha kapacitetet! Do rritet përmes ndërkombëtarizmit dhe profilizimit
8 Korrik 2023, 14:03 -
Universiteti i Korçës kërkon të bashkohet me Tiranën, Qiraxhi nga 'Qëndresa Qytetare': Të njëjtin fat pritet të kenë edhe universitetet e Vlorës, Shkodrës dhe Gjirokastrës
26 Qershor 2023, 21:27 -
Senati akademik i Universitetit të Korçës anulon bashkimin me Universitetin e Tiranës, do diskutohet herë tjetër! Edhe Rektori tërheq dorëheqjen
26 Qershor 2023, 14:11 -
Universitetet në Durrës dhe në Korçë hapin dyert edhe për të pa vaksinuarit! Vaksinë ose tampon, urdhri për studentët vetëm në letër
22 Shtator 2021, 16:09
