Një hotdog 500 lekë, dhoma VIP me qira 25 mijë €, 2 kate për gazetarët dhe...Çfarë nuk dini për stadiumin e ri kombëtar!

Atmosfera festive mbizotëroi të dielën në darkë në stadiumin e ri kombëtar, i cili u inaugurua me ndeshjen Shqipëri-Francë. Sigurisht që anët pozitive ishin të shumta, pasi një ambient i tillë sportiv nuk ishte parë kurrë në vendin tonë, por nuk bënin përjashtim as problemet e vogla të cilat duhej të rregulloheshin. “Report TV’ sjell disa nga detajet të cilat nuk u evidentuan gjatë ndeshjes.

*Në hyrje të stadiumit kishte kontrolle të rrepta me dy kordane të policisë, të cilëve iu nënshtruan të gjithë pa përjashtim.

*Këtë herë nuk lejohej që në stadium të futej asnjë send, pasi edhe shishet e ujit mund të bliheshin në ambientet brenda impiantit.

*Për këdo që e kishte marrë uria mund të konsumonte një ‘hotdog’, i cili shërbehej në stendat brenda stadiumit dhe kushtonte 500 lekë të reja.

*Një orë para ndeshjes shumë përshtypje bëri gafa me impantin e vaditjes, i cili bëri qull tifozët pas portës. Më pas ky detaj bëri jehonë edhe në mediat e huaja.

*Për gazetarët këtë herë ishte menduar që të qëndronin në dy kate, si shkak edhe i numrit të madh të tyre.

*Ekzekutimi i himnit të Francës solli irritimin e tifozëve shqiptarë, të cilët të gjithë në kor e vërshëllyen si pasojë e ngatërrimit të himnit tonë në Paris.

*Akustikë e jashtëzakonshme në momentin e këndimit të himnit tonë, që u shoqërua edhe me koreografinë speciale të tifozëve ‘kuqezi’.

*Pas 45 minutave lojë shihej qartësisht se fusha e Francës ishte dëmtuar shumë herë më shumë se e Shqipërisë, por gjelave iu mjaftaun dy aksione për të realizuar golat.

*Në pushimin ndërmjet pjesëve në hollin e katit të tretë dalloje shumë figura të njohura të spotit, artit, politikës, njerëz të botës së televizionit dhe shumë fushave të tjera.

*Po në katin e tretë kishte dhoma të dedikuara për vipat, të cilat mund të merreshin me qira për një vit dhe kushtonin 25 mijë euro.

*Edhe pse për francezët ishin rezervuar rreth 1100 vende në stadium nuk ishin më shumë se 250 mbështetës.

*Në momentin që nisi të binte pak shi, shumë tifozë të cilët ishin ulur në rreshtin e parë u larguan.

*Në stadiumin e ri nuk munguan as dëmtimet. Një stol në përfundim e ndeshjes përfundoi i thyer.

Ne.k.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Korçë, digjen 2 automjete gjatë natës, shoqërohen 4 adoleshentë

Korçë, digjen 2 automjete gjatë natës, shoqërohen 4 adoleshentë