Protesta e opozitës u transmetua live në shtatë televizione, mbi të paktën 30 faqe web dhe qindra faqe facebook. Nuk ka asnjë skenë të asaj çfarë ndodhi të dielën në mbrëmje mes bulevardit dhe parlamentit që qytetarët shqiptarë të mos e kenë parë me sytë e tyre në kohë reale. E megjithatë, është e pabesueshme se si Lulzim Basha vazhdon të gënjejë duke mohuar edhe të dukshmen. "Policia kriminale ka përdorur një forcë të pabarabartë kundër protestuesve" ulëriti në fund të protestës duke denoncuar se "disa protestues" janë plagosur.
Ashtu siç e panë të gjithë shqiptarët, për tri orë me radhë krahu ekstremist i Partisë Demokratike lëshonte me qindra shashka, flakadanë dhe tymues kundër kryeministrisë duke i flakur rrezikshëm në kokën e kordonit të policisë. Dhe policia nuk reagoi. Pastaj e njëjta skenë u përsërit përpara kuvendit, me qindra shashka të tjera, flakadanë dhe tymuese të hedhura këtë herë direkt mbi kordonin e forcave speciale. Dhe policia nuk reagoi. Pastaj u futën në skenë "bateri" fishekzjarresh (të blera ilegalisht) të cilat në vend që të hidheshin drejt qiellit, siç parashikohet kur bëhet festë, lëshoheshin në lartësinë e njeriut si raketa të vogla katiusha drejtuar ndaj policisë. Dhe policia nuk reagoi. Kështu shkoi për disa orë, me bilancin e 10 policëve të mbetur të plagosur, ndërsa policia nuk reagonte. Pastaj kur qëlluesit e fishekzjarreve-katiusha u afruan akoma e më shumë ndaj kordonit të policisë, ndodhi reagimi i parë dhe i vetëm: më parë tre hedhje uji që rezultuar joefikase për të ndaluar sulmet, kështu policëve iu desh të mbroheshin duke hedhur 4 ose 5 granata me gaz lotsjellës.
Qëllimi i provokimit që zgjati tre orë, u arrit. Basha, kështu, do të mund të akuzonte policinë se përdori gaz lotsjellës dhe me një urdhër të partisë të zbatuar menjëherë, grupi i zjarrit të PD-së uli "armët" duke u përzier me turmën që e kënaqur i bindej vendimit të Bashës për t'u kthyer në shtëpi. "Policia kriminale përdori forcën e pabarabartë kundër protestuesve", bërtiti Basha, duke kapërcyer pragun e qesharakes. Dhe duke gënjyer përballë më shumë se 1 milion telespektatorë që nga shtëpia panë çdo gjë se si ndodhi.
Basha dhe mediat e tij tentuan deri të prezantojnë një nga militantët e vet (të goditur nga fishekzjarret) si viktimë të "zjarrit" të policisë. Një gënjeshtër tjetër e përgënjeshtruar menjëherë jo vetëm nga pamjet televizive, por edhe nga provat mjeksore të ofruara nga spitali: gërvishtje në këmbë që tregoni shenjat e ciflave të nxehta të fishekzjarreve.
Basha gënjeu edhe përballë komunitetit ndërkombëtar, i cili ashtu si qytetarët shqiptarë, pati mundësi të ndiqte protestat direkt në televizione. Dhe reagimi nuk u vonua. ''Përdorimi i mjeteve piroteknike, sidomos kur vënë në shënjestër policinë, nuk është akt paqësor, është i papranueshëm dhe jodemokratik. Iu bëjmë thirrje të gjithë organizatorëve të protestës të ndalojnë aktet e dhunshme dhe të angazhohen në dialog konstruktiv", deklaron ambasada e SHBA-ve. Dënimi, përsëri, ishte unanim dhe gënjeshtra e Bashës tashmë është e njohur botërisht.
Në mbrëmjen e dhunës dhe të gënjeshtrave nuk mund të mungonte specialisti i artit të gënjeshtrës, Sali Berisha: Në Facebook Berisha publikoi fotot e dy protestuesve të plagosur dhe të shtruar në spital me një koment të tijin: ''Kriminele te narkopolicise civile kane goditur me qyte revolveri dhe shkaktuar plage te renda ne koke, ne hunde, ne nofull dhe trup protestuesve paqesor Ymer Çela dhe djalit te tij Erjon Çela. Duke denuar me ashpersine me te madhe keto akte brutale te gangstereve te narkoshtetit, i them Edvin Krimit dhe Vasal Kimikut do te mbani personalisht pergjegjesi per keto krime te shemtuara.'' Por siç pamjet e Report Tv treguan dhe vazhdojnë të tregojnë, në të vërtetë ata dy demonstrues u plagosën në një sherr mes ''protestuesve paqësorë'' që kishin dalë në shesh jo me lule, por me shufra hekuri të fshehura nën xhaketë.
Që beteja radikale e opozitës të gjejë mbështetje, brenda dhe jashtë Shqipërisë, ka nevojë të shndërrohet në paqësore, por duhet të bëhet edhe e besueshme. Të zëvendësosh molotovin me fishekzjarre të përdorura si mitraloz, ose me shufra hekuri, dhe pastaj para televizioneve të betohesh se ishte policia ajo që përdori dhunë kundër protestuesve paqësorë, është tashmë një tallje që ka lodhur të gjithë. Gënjeshtrat e Bashës dhe Berishës minojnë gjithë betejën e opozitës, sepse nëse arrijnë të gënjejnë mbi fakte të ndodhura para syve të mbi një milion qytetarëve, si mund të jenë të besueshëm kur denoncojnë pa prova mbi mafie, copëza dossierësh, krimi dhe korrupsioni?
Post scriptum: Dhe tani një shënim personal. Janë shkrime si këto që shtyjnë Partinë Demokratike të na akuzojnë si "media të kapur", të bojkotojnë studiot tona dhe të kërcënojnë gazetarët tanë. E gjitha kjo vetëm sepse kemi kurajon të zbulojmë dhe të faktojmë gënjeshtrat e tyre në vite.
Komente
Lajme të tjera
-
Ilir Yzeiri: Amnistia dhe sqarimi i (pa)nevojshëm i Bolinos
27 Tetor, 10:40
-
Carlo Bollino: Duhet një amnisti? Një sqarim për ata që e kritikojnë pa e lexuar (ose nuk duhet ta kuptojnë) pyetjen time
26 Tetor, 17:16
-
Carlo Bollino: SPAK dhe Amnisti: Një rrugë e mundshme për një drejtësi të pranueshme dhe paqe politike?
25 Tetor, 14:53
-
Carlo Bollino ironizon familjen Berisha: Përpara më etiketonin si ''fashisto-komunist'', tani jam ''peng'' por njëkohësisht edhe ''anëtar'' i SPAK!! Ata janë komplet në panik, i mirëkuptoj
20 Shtator, 12:27
-
Carlo Bollino: Berisha nuk meriton të fitojë zgjedhje jo vetëm se është i korruptuar, por mbi të gjitha se ka mbetur një diktator!
19 Shtator, 16:56
-
Berisha në sulm: Bollino është anëtar i organizatës kriminale të SPAK! Bollino i përgjigjet: E vlerësoj, por jam thjesht një gazetar i fakteve!
18 Shtator, 17:17 -
Carlo Bollino: ''Vakëf'' dhe ''VKM e personalizuar'', Berisha dhe dhëndri do të përgjigjen penalisht për shpifjet e presionet ndaj meje!
11 Shtator, 21:09
-
Carlo Bollino: Opozita në duart e Berishës dhe rrjeta e merimangës që po e çon drejt humbjes së dhjetë
9 Shtator, 19:07
-
Në Bunk’Art2 hapet 'Dhoma e Manipulimeve': Për herë të parë tregohet lidhja mes iluzioneve optike dhe propagandës komuniste
5 Gusht, 16:08 -
Carlo Bollino: Mbyllja e “Gazetës Shqiptare”, pak hipokrizi, por shumë histori e vlera ikin me të
1 Gusht, 20:01
-
Carlo Bollino: Nga Franca paralajmërim për Berishën, populli mund të bashkohet kundër opozitës kur e konsideron më të rrezikshme se qeverinë
9 Korrik, 13:16
-
Carlo Bollino: Onkologjiku një akuzë për të gjithë, por dhe detyrim për ndryshim!
27 Qershor, 18:27
BRAVO BOLLINO!!!
PërgjigjuJane leshuar si ujqit per pushtetin sepse nuk kane gje tjeter vec dhunes. Te shporren
PërgjigjuTe lumte, zoti Bollino! Gazetar I nivelin nderkombetar, jo si ata te portaleve me fytyra hipokrite e me nerva te ngritura nga genneshtrat e mos Doha nga niveli kaq I ulet, nga hipokrizia, ligesia e besnikeria ndaj krimineleve Berrisha e CO.
PërgjigjuNe fakt media e njeanshme jeni, e kapur. Postime qe vine ndesh me vijen tuaj te shkrimeve nuk botohen. Asnje kritike nuk sheh te behet ndaj qeverise por vetem lupen te opozita. Ndaj dhe eshte e anshme dhe komplet e veshtire.
PërgjigjuKritikat ndaj qeverise jane me shumice...por e ka eklipsuar extremizmi i opozites qe ska mbarim..
Vleresim maksimal per demaskimin e qarqeve antikombtare e antishqiptare. Shkrimet tuaja bejne diferencen me mediat dhe pseudoanalistet Kazan
PërgjigjuNuk ka rendesi se cfare shef ti ne tv,nqs pamjet i komenton artur zheji dhe sonila meco,aty vertet po fluturon nje gomar....
PërgjigjuRispetto per voi.signor Bollino.Jepni nje ndihme te madhe per permiresimin e konsolidimin e demokracise se brishte shqiptare,ne luften e saj me te vjetren,me krimin dhe me perfaqesuesit e saj,dy bandat,te madhen e banditit agjent serb e kicit te tij te cadres dhe te vockeles,ate te zonjes me nje cizme dhe te me demek presidentit,i cili keto dite se bashku me lyl tavarishin e Vucicit dhe te Putinit,kane marre rrugen per ne gjermani,per te penguar me aq sa te munden hapjen e negociatave te shqiperise dhe nxirjen e imazhit te saj.Meta ka shkuar te shoqeroje kicin e cadres,meqenese atij s'ja pjerdh me njeri,kurse ky ,helbete eshte me nder mut president qe vjen era dhe ka rol institucional etj etj.Keta e duan ne cacke te kokes dacken.Koha e durimit me ta ka marre fund,sepse e keqja e tyre shtohet me ritem gjeometrik.
PërgjigjuZoteri i nderuar, duket sikur gjerat qe thoni jane te vertetat qe te gjithe i dime, por vlera juaj e jashtezakonshme qendron vetem ne nje fakt sepse ju i faktoni.Ju ndjek dhe ne analizat dhe debatet televizive dhe e them me bindjen se nje pasterti dhe nje llogjike qe kapercen nivelin e llumit dhe te mediokritetit qe na rrethon. Do te perpiqen tju poshterojne, do te perpiqen te tallen me ju e te ju etiketojne, por e verteta juaj can cdo ekran dhe cdo rresht.
PërgjigjuTE LUMT K.BOLINO.E MERITON EMRIN SHQIPETAR.PO TI KISHIM GAZETARET SI JU VENDI YNE NUK DO VUANTE SHPIFJET E NJE KAZANI TE TMERRSHEM MEDIATIK,KU SHUME TV,ANALIST E GAZETAR JANE KTHYER NE B..L..TE PARTIVE QE PRODHOJNE VETEM SHPIFJE DUKE BERE P I S E NJERZIT DHE VENDIN -DHE BABAI I SHPIFJEVE NE KTE VEND KA QENE ESHTE DHE DO TE JET SB...DHE KJO DO TE NDODH DERI SA AI TE ABANDONOHET NGA MEDJET,TE LARGOHET NGA POLITIKA DHE KUR ZOTI TE MERRET ME TE.
PërgjigjuNje konkluzion brilant per nje tufe baktacijsh qe udheheqin bandite me maska per te luftuar kunder shtetit dhe policise. Ja vlen nje shkrim ; po njerezit me maska qe hedhin flakadane dhefishekzare kunder policise demostrues per vota jane?
PërgjigjuNje anailize e sakte dhe profesionaliste
PërgjigjuBravo, besoj se duhet te jesh me i pa anshem si media edhe pse ti shikon vetem roze shoku :)
PërgjigjuJo cdo e vertete eshte roze shoku...
Jo vetem kurajo, por edhe aftesi dhe dinjitet. I vetmi gazetar shqiptar i ketij niveli. Po po shqiptar nuk eshte lapsus. Nje italian i mire dhe i ditur eshte dhe nje shqiptar i mire, kunderta vlen gjithashtu. Falemnderit Carlo
PërgjigjuI vetmi qe ke kurajo tja thuash se te gjithe i dine keto maskaralleqe
PërgjigjuMir e ke Bolino po ku marin vesh andej keta funderrina te politikes son.Keta kujtojn se e kan mar pushtetin perjetsisht dhe po nuk jam une segsiston nota.Mire e kan se 70 % e tyre jane kriminela te pa denuar ,su ka hyr gjemb ne kemb.Dhe Tani do durojm pordhet tyre me ne krye sali qenin.
PërgjigjuTë lumt z . Bollino !!!
Përgjigju