POP 5

Lajmet më të lexuara të 5 minutave të fundit

Opinion

Një propozim për presidentin Ilir Meta

Dekorimet e figurave të shquara të jetës shqiptare, në art, kulturë, ekonomi, patriotizëm, etj. janë bërë aq të shumta sa emri i tyre përmendet vetëm në ditën e marrjes së medaljeve e pastaj i mbulon pluhuri i harresës.

Një propozim për presidentin Ilir Meta

Akaki Khorava gjatë rolit në filmin Skënderbeu

Dekorimet e figurave të shquara të jetës shqiptare, në art, kulturë, ekonomi, patriotizëm, etj. janë bërë aq të shumta sa emri i tyre përmendet vetëm në ditën e marrjes së medaljeve e pastaj i mbulon pluhuri i harresës.

Por ka edhe emra të tjerë aq të shquar po në këto fusha që njihen nga populli shqiptarë e mbeten të paharruar. Mendoj se një nga këta figura është edhe aktori dhe regjisori i madh gjeorgjian Akaki Khorava.

Nuk ka shqiptar që të mos e ketë parë filmin shqiptaro-sovjetik “Skënderbeu”, i shfaqur për herë të parë më 28 Nëntor 1954.

Pavarësisht ndryshimeve ideologjike mes nesh dhe ish-Bashkimit Sovjetik, apo Rusisë së sotme, pavarësisht armiqësive e miqësive, Skënderbeu i Khoravës mbetet pamja më e gjallë vizive për fantazinë e gjithë shqiptarëve për heroin tonë më të madh kombëtar, simbolin e luftërave për liri e mëvehtësi, figura me të cilën na njohu Europa dhe bota. Khorava lindi më 29 prill 1895 në fshatin Oczchomuri të Gjeorgjisë dhe vdiq më 23 qershor 1972 në Tbilisi.

Krijimtaria e tij është aq e madhe sa nuk ka vend të përmendet këtu. Por për ne, shqiptarët, interpretimi dhe figura e tij madhështore që krijoi në rolin e Gjergj Kastriotit, Skenderbeut, e ka bërë atë aq të dashur sa kujtohet me emocion nga të gjithë Megjithë idetë, fantazitë, dëshirat, projektet, – sidomos me figurën e madhe aktoreske të Bekim Fehmiut, i cili mund të ndërtonte një figurë e rol si ai i Skenderbeut, – edhe sot, pas afro 70 vitesh ideja për krijimin e një filmi tjetër për Heroin tonë Kombëtar nuk është realizuar. Khorava mbeti kështu “Skënderbeu” ynë.

Do të ishte në nderin tonë, të qeverisë e të presidencës shqiptare që t’i akordohet atij, pas vdekjes, një ndër titujt më të lartë të shtetit duke e përkujtuar për kontributin e mrekullueshëm që la për historinë e Shqipërisë.

Skënderbeu shqiptar, përtej gravurave të vjetra, apo monumenteve të tij, mbetet ai i aktorit të madh gjeorgjian.

Përmes kanaleve diplomatike mund të gjenden pasardhësit e trashëgimtarë të tij që të pranojnë dekoratën e lartë nga Presidenti i Republikës së Shqipërisë

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Metal made in albaniston: 01/11/2021 15:18

    te na rroj likja i albonistonit. pa te sdo kishim pune ne teneqegjijte e tirones .pra sa me shume medalje aq me shum pune per ne. arin e vertete e mori gjermoni qe mos qofte .

    Përgjigju
  • redi: 01/11/2021 12:46

    Nje keshille e drejte .Khorava duam sduam ne me te vertete eshte Skenderbeu qe kemi pare, dhe qe do mbetet ne memorjen tone kombetare .Dekorimi i tij nderon cdo shqiptar

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça