Adriatik Doçi: Meta-Kryemadhi thirrje Ramës për koalicion (Ngjala 2) nga goja e SPAK-ut

Me një parti vetëm në letra, në gojën e SPAK si të korruptuar dhe kandidatë për non grata, Ilir Meta dhe Monika Kryemadhi dominuan mbrëmë ekranet, duke u ankuar për njëri-tjetrin para shqiptarëve dhe aluduar për tradhti të ndërsjellë.

Përtej dokrrave dhe retorikës së dalëboje si strategji e tyre për hallin që kanë me drejtësinë, Ilir Meta dhe Monika Kryemadhi dhanë një mesazh, për ata që dinë të lexojnë shenjat politike.

Mesazhi konsiston në zbutjen e akujve me Edi Ramën, duke i dhënë sinjalet e para të gatishmërisë për një afrim politik, me shpresë për t'i shpëtuar veprimit të SPAK, duke dhënë dhe lëshuar gjithçka në këmbim, pranuar çdo kusht dhe formulë, vijë sjellje dhe cirk politik.

Nga njëri televizion Monika Kryemadhi foli për dashuritë e fshehta me Edi Ramën dhe se nuk është penduar.

"Në telefon do të dalin dashuritë e mia me Edi Ramën. Kjo është politika në fund të fundit. Nuk jam e penduar sepse unë kam qenë vetvetja, kjo më bën edhe të veçantë”.

Nga televizioni i Familjes Berisha, Ilir Meta tha se ia fal të gjitha sulmet personale Edi Ramës, përpos tradhtisë kombëtare, duke iu referuar shitjes së territoreve, për të cilat kanë luftuar Vojo Kushët.

Të vetmit politikanë që ka shitur territore shqiptare janë Sali Berisha dhe Esat Pashë Toptani.

Territoret që shti Esat Pashë Toptani u rinorën me luftë, ndërsa ato që shiti Sali Berisha u kthyen me vendim të Gjykatës Kushtetuese.

Kështu që edhe kjo shitje imagjinare nga Rama mund të konsiderohet e amnistuar nga Meta, si patriot i madh!

Krahas faljes së pakërkuar të Ramës, Ilir Meta nuk konfirmoi mbrëmë një koalicion me Sali Berishën, duke thënë se PD-ja është një parti e paorganizuar.

"PD e ka pasur këtë problem që kur ishte Berisha, PD e thelloi akoma më shumë me zotin Bashën që ishte mjeshtër për ç’organizim dhe demotivim".

Nëse Ngjala 1 ishte për të sunduar për të plaçkitur dhe plackitur për të sunduar duke ruajtur pandëshkueshmërinë, zërat e Metës dhe Monikës nga goja e SPAK-ut për një tjetër 'Ngjalë' janë për të t'i shpëtuar ndëshkimit dhe ruajtur plaçkën e mbledhur gjatë viteve 2000-2002 dhe 2009-2017

Shkrimi u publikua në facebook

S.G/r.k./Shqiptarja.com

TAG:
• monika kryemadhi
• Ilir Meta