POP 5

Lajmet më të lexuara të 5 minutave të fundit

Kultura

“Një tigër në shtëpi”, shfaqja për fëmijë te Eksperimentali! Fundjava/ Muzikë, kërcim dhe humor për spektatorët e vegjël

“Një tigër vegjetarian” është miku më i ri i fëmijëve, që zgjedhin të shohin shfaqjen e fundit në Teatrin Eksperimental në Tiranë.

“Një tigër në shtëpi” është produksioni më i ri teatral i Teatrit Eksperimental në Tiranë, një shfaqje drejtuar fëmijëve. Ditët e para të vënies së saj në skenë u pritwn shumë mirë nga spektatori i vogël.

“Është një shfaqje e këndshme me muzikë, me humor, e cila përcjell edhe mesazhe për fëmijët, edhe për të rriturit. Në një shtëpi krejtësisht normale, të zakonshme vjen një tigër, që në pamje të parë duket si një tigër i zakonshëm, por ai është i jashtëzakonshëm.”, - shprehet regjisori Endri Çela.

Ky tigër është i kulturuar dhe ajo çfarë e dallon nga njerëzit është vetëm se nuk di të flasë. Nën shoqërimin e këngëve dhe kërcimeve, duket se ai nuk ndryshon shumë nga të qerit njeri. Ai madje është vegjetarian dhe ha me lugë, pirun, thikë e pecetë.

“Sa i përket shfaqjeve për fëmijë është eksperienca ime e parë në teatër dhe po të më jepet mundësia do të interpretoja përsëri.”, - thotë aktorja e vogël Kristiana Boçe.

Ndërsa për aktoren Adriana Tolka, çdo aktor duhet të interpretojë në shfaqjet për fëmijë.

“Kam luajtur më shumë se 10 herë në shfaqje për fëmijë. Them se të paktën njëherë në vit çdo aktor i skenës duhet të provojë të luajë në një shfaqje për fëmijë. Jo vetëm që të ndihmon të punosh shumë mirë me një karakter, por njëkohësisht është edhe një çlodhje e madhe nga stresi i përditshëm i botës sonë të të rriturve.” , -vëren ajo.

“Një tigër në shtëpi” do të vijojë të shfaqet gjatë fundjavave në skenën e Eksperimentalit.

 

 

B.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Berisha refuzoi votën elektronike, që komisionerët e PD-PS të vjedhin votat e partive të reja! Vota e Diasporës s'është e fshehtë, do kompromentojë zgjedhjet

Spahiu: Berisha refuzoi votën elektronike, që komisionerët e PD-PS të vjedhin votat e partive të reja! Vota e Diasporës s'është e fshehtë, do kompromentojë zgjedhjet

23 Janar, 21:54