Shembulli i Arjola Trimit, tetraplegjikja kampione nderon Italinë, fiton medalje të artë në lojrat paraolimpike të Tokios

Arjola Trimi, atletja shqiptare që garon për Italinë në lojrat paraolimpike me aftësi të kufizuara, ka fituar dy medalje të artë në sportin e notit. Atletja që garoi në Tokio ka fituar medaljen e artë në 100 metra stil i lirë në kategorinë S3 dhe medaljen e artë në sitlin shpinë 50 metra.

34-vjeçarja ka lindur në Tiranë më 1987 e qysh fëmijë u diagnostikua e sëmurë tetraplegjike. U transferua në Milano në moshën 2 vjeçare. E apasaionuar pas notit Arjola u bë një notare profesioniste e pjesë e skuadrës paraolimpike italiane.

Në lojërat e Tokios ajo fitoi dhe medaljen e bronzit në stafetën mix 4 për 50 metra stil i lirë. Me medaljet e fituara në këtë Paraolimpiadë, Arjola Trimi çon në 30 numrin e medaljeve të fituara në kategorinë e saj.

Kush është Arjola Trimi, 'diamanti shqiptar i notit' që përfaqësoi Italinë në Lojërat Paralimpike të Tokios

Arjola Trimi, e lindur në Tiranë në 1987, numëron 113 medalje. Si shumë shqiptarë, ajo së bashku me familjen u zhvendos në Itali teksa ishte vetëm 2-vjeç, ku shkroi historinë dhe vijon të lërë gjurmë. Pikëtakimi i saj me sportin e notit erdhi si një "detyrim", pasi basketbolli ishte "dashuria e saj e parë". Rreth moshës 12-vjeçare, ajo zbuloi se vuante nga një sëmundje e trashëguar dhe që nga ai moment, iu desh që të nxirrte forcën dhe vendosmërinë, që e kishte të fshehur brenda vetes, për të filluar një jetë të re. Basketbollin e la mënjanë dhe zbuloi se sa shumë e donte notin rastësisht, gjatë kohës që bënte seancat e saj të fizioterapisë.

Debutimi i Arjola Trimit  daton në vitin 2012, kur arriti rezultate të shkëlqyera që në garat e para. Vetëm një vit më pas erdhi dhe ngritja në nivel ndërkombëtar, në kupën e Botës në Montreal, që e bëri atë fituese të 2 medaljeve argjendi dhe 2 bronzi. Që nga ai momenti, medaljet për të nuk munguan në asnjë garë!  

Ne.k.//Shqiptarja.com

TAG:
• itali
• Arjola Trimi
• lojrat paraolimpike