Një viktimë nga COVID në 24 orët e fundit në vend, regjistrohen 21 raste të reja infeksioni

Pas dy ditësh me zero viktima, COVID i ka marrë sot jetën një personi në vend. Me një njoftim për mediat, Ministria e Shëndetësisë bën me dije se ka humbur betejën me virusin një 77-vjeçar nga Tirana.

Ndërkohë janë konfirmuar edhe 21 raste të reja infeksioni, pas kryerjes së 2807 testimeve. Rastet e reja janë regjistruar në: 4 raste në Berat, 3 raste në Durrës, 2 raste në Tiranë, Shkodër, Krujë, Kurbin, Gjirokastër, 1 rast në Devoll, Mirditë, Tropojë, Librazhd.

Aktualisht në spitalet COVID po trajtohen 41 pacientë, nga të cilët 6 pacientë janë në terapi intensive.

Në 24 orët e fundit janë shëruar 55 qytetarë, duke e çuar numrin e të shëruarve në 129,097 që nga fillimi i epidemisë. 

Që nga fillimi i pandemisë në vend, numri i personave të infektuar ka shkuar në 132,285, ku raste aktive janë 740. Fatkeqësisht, numri i viktimave ka shkuar në 2448.

Ndonëse situata me pandeminë është stabilizuar, sërish Ministria e Shëndetësisë i bën apel qytetarëve që të vijojnë të zbatojnë me përpikmëri rregullat anti-COVID, duke vënë theksin te vendosja e maskës në ambientet e mbyllura dhe kujdesi për higjienën vetjake.

Statistika (28 Maj 2021)

Raste të reja ditore        21

Të shëruar në 24 orë      55

Të shtruar në spitale      41

Humbje jete në 24 orë   1

Testime ditore                2,807

 

Testime totale            712,271

Raste pozitive             132,285

Raste të shëruara        129,097

Raste Aktive                  740

Humbje jete                  2,448

Shpërndarja gjeografike e rasteve aktive sipas qarqeve:

Tiranë         343

Korçë            91

Shkodër       82

Vlorë             40

Elbasan        36

Berat             41

Lezhë           31

Gjirokastër   27

Fier               18

Kukës           11

Durrës          16

Dibër          4

TAG:
• ministria e shendetesise
• koronavirus ne shqiperi
• Viktimat Covid
• spitalet covid