Shtetet e Bashkuara, Britania dhe Kanadaja vendosën të premten sanksione të reja ndaj Iranit në prag të përvjetorit të vdekjes së 22 vjeçares Mahsa Amini në duart e policisë morale të Iranit, ndërsa ajo ishte në burg. Vdekja e saj shkaktoi muaj protestash antiqeveritare, të cilat u shtypën me dhunë.
Mahsa Amini vdiq më 16 shtator të vitit të kaluar pasi u arrestua nën dyshimet se kishte shkelur kodin e veshjes së Republikës Islamike të Iranit. Vdekja e saj u pasua me një nga valët më të mëdha të protestave antiqeveritare ndër vite në Iran. Forcat iraniane të sigurisë janë dislokuar në qytetin e saj të lindjes në pritje të protestave të reja këtë fundjavë.
Shtetet e Bashkuara, Britania dhe Kanadaja, së bashku me Bashkimin Evropian, kanë njoftuar raunde të shumta sanksionesh ndaj Iranit, duke përmendur shtypjen e përhapur dhe shpesh të dhunshme të protestave pas vdekjes së Mahsa Aminit.
"Vdekja tragjike dhe e pakuptimtë e Mahsa Aminit në burgun e të ashtuquajturës "Policia e Moralit" shkaktoi protesta në të gjithë Iranin që u pasuan me shtypje të dhunshme, arrestime masive, ndërprerje sistematike të internetit dhe censurë nga regjimi iranian", tha përmes një deklarate Sekretari amerikan i Shtetit Antony Blinken.
"Ne do të vazhdojmë të ndërmarrim veprimet e duhura, së bashku me partnerët tanë ndërkombëtarë, për të mbajtur përgjegjës ata që shkelin të drejtat e iranianëve", tha ai, duke shtuar se Kanadaja, Australia dhe partnerët e tjerë do të vendosin gjithashtu sanksione të reja ndaj Teheranit këtë javë.
Ligjvënësit amerikanë kujtojnë iranianen Mahsa Amini një vit pas vdekjes
Departamenti Amerikan i Thesarit përmes një deklarate të veçantë tha se kishte vendosur sanksione ndaj më shumë se 22 personave dhe subjekteve që tha se ishin të lidhur me "shtypjen e dhunshme" të protestave në Iran pas vdekjes së Mahsa Aminit, shtypjen e protestave dhe zërave kundërshtues dhe ndërprerjen e internetit.
Në shënjestër të sanksioneve janë 29 persona dhe grupe, duke përfshirë 18 anëtarë kyç të Gardës Revolucionare Islamike dhe Forcave iraniane të Zbatimit të Ligjit, si dhe kreu i Organizatave të Burgjeve të Iranit, tha përmes një deklarate Departamenti amerikan i Thesarit. Sanksionet prekin edhe zyrtarë iranianë të lidhur me bllokimin e internetit dhe të disa mediave./VOA
Lajme të tjera
-
Kompleksi ushtarak do ndërtonte armë bërthamore, si Izraeli shkatërroi bazën 'top sekret' të Iranit në mes të shkretëtirës
16 Nëntor, 11:00 -
Kreu i Agjencisë Ndërkombëtare i Energjisë Atomike viziton zonat bërthamore nëntokësore të Iranit
15 Nëntor, 18:39 -
FBI arreston një të dyshuar për publikimin e të dhënave amerikane për planet e Izraelit për sulm kundër Iranit
13 Nëntor, 21:05 -
Studentja e Iranit shkon e zhveshur në universitetin islamik, arrestohet (VIDEO)
4 Nëntor, 13:47 -
Si do të ndikojë rezultati zgjedhor në politikën e Uashingtonit ndaj Iranit?
4 Nëntor, 08:59 -
Iran/ Arrestohet studentja pasi del gjysmë e zhveshur në oborrin e universitetit
3 Nëntor, 11:29 -
Media amerikane: Irani do të sulmojë Izraelin në ditët e ardhshme! UNICEF: 50 fëmijë të vrarë në 48 orët e fundit në Gaza
2 Nëntor, 18:43 -
Lufta/ Kamioni përplaset me një stacion autobusi pranë Tel Aviv, 1 i vdekur e dhjetra të plagosur! Media: Shoferi u vra nga civilët e armatosur! Dyshohet për sulm terrorist
27 Tetor, 08:17 -
Shtetet e Gjirit Persik paralajmërojnë për përshkallëzim pas sulmeve ndaj Iranit
26 Tetor, 13:50 -
Zgjedhjet në SHBA/ Inteligjenca amerikane: Rusia, Kina dhe Irani synojnë përçarjen e votuesve para zgjedhjeve
22 Tetor, 22:21 -
Analistët: Izraeli përpiqet të krijojë përçarje në Liban për të izoluar Hezbollahun
19 Tetor, 16:58 -
A përbëjnë tensionet në rritje midis Izraelit dhe Iranit një kërcënim bërthamor?
17 Tetor, 15:23
