Njeriu i Neandertalit nuk ishte një mishngrënës brutal, dieta e tij përfshinte fruta, drithëra dhe bishtajore.

Një studim i ri është zhvilluar nga një ekip ndërkombëtar kërkimor i botuar në revistën online “PlosOne”.

Ekipi hulumtues i Institutit të Kërkimeve Senckenberg në Frankfurt (Gjermani), ka zhvilluar një qasje të re inovative që përmes përdorimit të modeleve digjitale tridimensionale ka arritur të rindërtojë lëvizjet mandibulare nga analiza e veshjes së dhëmbëve.

Në këtë mënyrë  mund të merret informacion në lidhje me dietën e një individi, dhe sidomos për llojet fosile.

Për shembull, nëse kemi një ushqim veçanërisht fijor, atëhere kemi një përtypje anësore, arra dhe të ngjashme përkundrazi kërkojnë një përtypje më vertikale.

"Edhe pse njeriu i Neandertalit tradicionalisht është parë si një gjuetar, duke jetuar në klimat e ftohtë, të cilët kishin pothuajse ekskluzivisht mish, rezultatet tona sugjerojnë një histori më komplekse", shkruhet në studim. "Ne mësuam se dieta e Neandertalit ishte shumë më e ndryshme se sa kishin menduar deri më tani, dhe neandertorët u ushqyen me atë që kishin në mjedisin ku jetonin. Prandaj, ndërsa Neandertalet e Evropës Qendrore dhe Lindore të periudhës akullnajat konfirmojnë rezultatet e marra deri tani, duke treguar një dietë rreptësisht mishngrënëse, Neandertalet që jetojnë në vende të ngrohta tregojnë një dietë më të gjerë, përfshirë mishin, pemën dhe perimet ", shpjegohet më tej.

Periudha në shqyrtim është nga 200,000 në 30,000 vjet më parë, dhe gjatë kësaj kohe janë bërë ndryshime të ndryshme klimatike, thonë studiuesit dhe dieta e kampionuar nga mostrat gjithashtu pasqyroi përshtatjen ndaj klimave të ndryshme.

"Fleksibiliteti në zgjedhjen e ushqimit të Neandertalit ishte mjaft i ngjashëm me atë të gjetur në Homo sapiens të Paleolitit të Mesëm dhe të Sipërm", thotë studimi. "Siç kemi parë të njëjtën prevalencë të dietës europiane mishngrënëse neandertale të akullnajës së fundit të Pleistocenit edhe në njerëzit modernë që jetonin në rajon në të njëjtën kohë".

Redaksia Online
J.Sh Shqiptarja.com