POP 5

Lajmet më të lexuara të 5 minutave të fundit

Kronikë

Njëzet e dy muxhahedinë në 
Tiranë 5 ditë para vizitës së Kerryt

Pesë ditë para vizitës së Sekretarit të Shtetit në Shqipëri kanë mbërritur 22 muxhahedinë nga kampi liria në Irak drejt Tiranës. Report Tv ka siguruar ekskluzivisht listën e muxhahedinëve të cilët i përkasin numrit prej 210 personave të cilët ish qeveria Berisha ra dakord me amerikanët për t'i strehuar. VIDEO
MEK, armiqte dhe miqte e SHBA
Ja cfarë tha Majko për muxhahedinët
TIRANE - Pesë ditë para vizitës së Sekretarit Amerikan të Shtetit John Kerry në Shqipëri, në Tiranë kanë mbërritur 22 muxhahedinë të cilët i përkasin listës prej 210 muxhahedinëve që ish qeveria Berisha ka bërë marrëveshje për t’i pranuar.

ReportTv ka siguruar ekskluzivisht listën e 22 muxhahedinëve të mbërritur më 9 shkurt në Tiranë ku 6 prej tyre janë gra dhe 16 burra.

Muxhahedinët e mbërritur në Tiranë i përkasin personave të cilët prej vitesh qëndron në kampin Liria, bazë ushtarake amerikane e vendosur në Irak nga ku më parë drejt Shqipërisë kanë ardhur dhe Muxhahedinë të tjerë.

Më 3 qershor 2013 Departamenti Amerikan i Shtetit do të njoftonte zyrtarisht arritjen e marrëveshjes ndërmjet qeverisë Shqiptare dhe asaj Amerikane për pranimin e 210 Muxhahedinëve në vëndin tonë. 

Pas vizitës së Sekretarit Kerry më 14 shkurt në Tiranë pritja e një grupi tjetër muxhahedinësh prej 2000 deri në 3000 veta është kthyer në temë të ditës dhe për opinionin publik. 

Ndërsa zyrtarisht një marrëveshje e tillë nuk është konfirmuar as nga Departamenti i Shtetit Amerikan as nga Qeveria shqiptare.

Por si veprohet me muxhahedinët e mbërritur në Shqipëri?
Pas mbërritjes në Rinas ata transferohen në qendrën e pritjes së azilantëve në Babrru ku qëndrojnë për një periudhë të shkurtër. 

Më pas ata nisin procedurat për tu pajisur me pasaportë për refugjatët dokument ky i cili është lëshuar për herë të parë 29 maj nga ministria e brendshme shqiptare.
Burime të rezervuara nga policia e shtetit sqaruan për Report Tv se aktualisht një numër prej 180 muxhahedinësh janë strehuar në Tiranë dhe një pjesë tjetër e tyre është vendosur në qytetin e Durrësit.

Redaksia Online
(F.T/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52