Njihuni me djalin që është alergjik ndaj 'dimrit'

Tommy Leitch është një 7-vjeçar nga Britania e Madhe me një sëmundje të rrallë.

Ai  shtrohet në spital gjatë dimrit sepse i ftohti i jep alergji, duke  I shkaktuar  djalit të përziera, vështirësi në frymëmarrje dhe skuqje në të gjithë trupin.

Sipas medias së huaj, djali vuan nga urtikaria dhe angioedema e rëndë, gjendje që shkakton enjte në lëkurë.

Nëna e tij Abigail McDonald u shpreh se nuk mund ta veshë djalin me rroba në mënyrë që ta mbajë ngrohtë sepse alergjia që ka djali nxitet gjithashtu edhe nga nxehtësia.

E ëma qëndron gjatë gjithë kohës e shqetësuar për jetën e djalit të saj pasi ai ka nevojë për mjekim urgjent në momentin që i shfaqen simptomat.

Në disa raste sëmundja  bën që gjuha të enjtet, duke mbyllur rrugët e frymëmarrjes.

Tommy duhet të qëndrojë gjithmonë në një temperaturë rreth 20 gradë celcius sepse nëse ekspozohet në një temperaturë shumë të ulët ose të lartë, atëherë i shpërthen alergjia.

Tommy

TAG:
• alergji
• tommy leitch
• semundje e rralle