E ftuar në emisionin “Klinika 24” në Report TV, me moderatore Doreada Mio, ishte mjekja alergologe Enkeleda Kryeziu nga Klinika Vera Virhov. Ajo foli për alergjitë e stinës, pasi tani që jemi në pranverë, ka shumë raste të shtuara të alergjive.
"Në këtë stinë kemi përqëndrimin më të madh ponenik dhe ditët me diell në Shqipëri numërohen 280 ditë kalendarike. Kjo është në dizavantazhin e personave që vuajnë nga alergjia”, tha në fillim të bisedës mjekja, duke shtuar se poleni është shumë më agresiv kur kemi pikun e temperaturave dhe ditë që shoqërohen me erë.
Së fundmi janë përmbysur shumë mite që kanë të bëjnë me sëmundjet alergjike, pasi kohë më parë sëmundjet alergjike nuk kishin relevancë klinike, në raport më sëmundjet e tjera dhe sipas mjekes mendohet se deri në vitin 2050 një në dy persona do vuajë nga alergjia.
“Një ndikim të shtuar në alergji ka dhe ndotja ambientale, ndërsa më parë faktori ka qenë vetëm aspekti genetik”, shtoi mjekja, pa harruar të thoshte se dhe përdorimi i cigares e bën sëmundjen më agresive.
Një polen nuk mund të shihet më sy të lirë, ndërsa gjendet me sasi të madhe rreth nesh. Duke vëzhguar kalendarin polenik që ka qenë shumë mirë i detajuar, tashme kemi ndryshime të mëdha në faktorët e alergjisë, si dhe të kohës së zgjatjes së sezonit të alergjisë.
“Aktualisht ne jemi tek periudha e prill-qershorit që dominon pjesa e ullirit, betula dhe Graminacet, ku futen dhe barërat e kultivuara”, shtoi mjekja në studio, duke shtuar se ne mund të themi se kemi të bëjmë me sëmundje alergjike kur kemi periodicitet.
Një person që vuan nga poleni, mund të jetë alergjik dhe nga disa ushqime, qofshin këto perime, apo fruta", për shembull mollë, selino apo luleshtrydhe dhe kur pacienti i ha, nis të ketë probleme”, tha mjekja.
Në këto raste na ndihmon dhe alergologjia molekulare që është analizimi i gjakut në alergen madhor dhe minor, për të kuptuar se çfarë shkakton realisht alergjinë. Njerëzit kryesisht duhet të evitojnë shëtitjet në temperaturat më të larta të ditës, ditët me erë apo ditët me thatësirë të madhe të ajrit.
Nëse individi ndjek në mënyrë të saktë rekomandimet e mjekut për alergjitë, përmirëson cilësinë e jetës shumë shpejt sipas mjekes. Për të patur një kontroll ndaj alergjive, rekomandohet imunoterapia që ka dy mënyra: ose me shpime në lëkurë, ose sublinguale, pra me pika nga goja. Në fund mjekja tha se pacienti duhet të ketë një lidhje të ngushtë me mjekun.
Mjekja Gastro-Hepatologe Zana Nikolla në një lidhje skype nga Shtetet e Bashkuara për emisionin “Klinika 24” në Report TV, me moderatore Doreada Mio, dha disa këshilla për sëmundjet gastro-intestinale dhe parandalimin e kancerit të zorrës së trashë
“Këtu në Amerikë, kanceri i zorrës së trashë është i treti më i përhapur dhe nuk mungon sensibilizimi shumë aktiv i publikut dhe muaji mars është muaji i sensibilizimit”, tha në fillit të bisedës mjekja, duke shtuar se ka shumë faktorë për këtë sëmundje që sigurisht kryesohen nga gjenetika, mosha e pacientit, prezenca e yndyrnave shtazore në dietën e vendasve këtu pasi kanë shumë qejf ushqimin e shpejtë, faktor tjetër është obeziteti dhe diabeti, jeta sedentare, konsumimi i madh i alkoolit dhe duhanit si dhe koliti ulceroz.
“Disa faktorë janë të parandalueshëm dhe disa janë jo të parandalueshëm, për shembull dietën apo aktivitetin fizik, obezitetin e kemi në dorë”.
Vitet e fundit është vënë re se kanceri i zorrës së trashë shfaqet dhe në mosha shumë të re dhe ndodh mbi moshat 45-50 vjecare.
Sipas mjekes, depistimi i hershëm është zgjidhja për të kapur në kohë sëmundjen.Sipas studimeve, personat që bëjnë kontrolle mjekësore dhe depistohen, kanë 50% ulje në kancerin e zorrës dhe në vdekshmëri.
Testet në kohë si ajo klasike dhe testet radiologjike janë zgjidhja më e mirë për të parandaluar.
Por a kemi disa këshilla dhe rekomandime që mund të na ndihmojnë që të parandalojmë sëmundjen sipas mjekes? Së pari eliminimi i ushqimit të shpejtë dhe mishin të kuq në sasi të mëdha duhet shmangur, konsumin e mishit jo më shumë se 2-3 herë në javë.
Me djathin duhet të bëjmë pak kujdes mos e teprojmë, si produkt shtazor dhe kujdesi me yndyrnat shtazore.
Lajme të tjera
-
Psikologia Artemisi Dono në 'Klinika 24': Çfarë është ataku i panikut dhe si ta menaxhojmë për të dalë nga kjo gjendje
10 Nëntor, 08:56
-
Nutricionistja Ami Tari në ‘Klinika 24’: Prindër, shmangni produktet me konservant që blini në markete për fëmijët
3 Nëntor, 14:09 -
Rajna Kamani: Ja pse ndodh verdhëza tek fëmijët e sapolindur dhe si mund të mbahet në kontroll
3 Nëntor, 14:06 -
Mjekja Brikena Danaj në 'Klinika 24': Operacionet e veshëve dhe hundës, duhet të bëhen pas moshës 18 vjeç
3 Nëntor, 14:02 -
Mjeku Edmont Puca: Si të rrisim imunitetin në sezonin e virozave, a duhet të përdorim suplemente apo ushqime të pasura me këto vitamina?
27 Tetor, 15:00
-
Dermatologia Violeta Dajci: Ja si të kemi kujdes nga 'zgjebja' në familje
27 Tetor, 14:54
-
Klinika 24/ Kardiologia Sonila Bele: Kontrollohuni nga zemra gjatë një shtatëzanie
19 Tetor, 22:03 -
Klinika 24/ Profesoresha e gjenetikës: Sëmundjet e së ardhmes do të shërohen me micro RNA-në
12 Tetor, 21:57 -
Këshilluesja e gjidhënies Zamira Bolan: Ja kur është momenti më i mirë për të shkëputur gjirin
5 Tetor, 20:12
-
Mjeku Roland Lama në ‘Klinika 24’: Kontrollet periodike tek Obstetër-Gjinekologu mund të shmangin shumë komplikacione për vajzat dhe gratë
28 Shtator, 21:09
-
Mjeku Alfred Aga në ‘Klinika 24’: Ju rrëfej pse zgjodha kirurgjinë ORL dhe vështirësitë për t’u bërë një mjek i mirë sot
28 Shtator, 21:02
-
Belinda Pupa: Çiftet duhet të rrisin besimin dhe komunikimin nëse duan të mbajnë marrëdhënien e tyre
14 Shtator, 22:16
