Njihuni me historinë e bukuroshes së fjetur në jetën reale

Beth Goodier është bukuroshja e fjetur në jetën reale.

Edhe në foto përshtatet me flokët e verdhë e me sytë ngjyrë blu, por asgjë nuk është aq e bukur sa duket, pasi ajo vuan nga një sëmundje.

25-vjeçarja vuan nga sindroma Kleine-Levin që e detyron të flejë 22 orë në ditë.

Sipas medias së huaj, ajo ka 10 vite që vuan nga kjo sëmundje dhe nuk mund të kujtojë asgjë 8 vitet e fundit.

Sikur të mos mjaftonte kjo, vajzës i është shfaqur edhe sindroma Ehlers Danlos (EDS), e cila i shkakton mungesë të prodhimit të kolagjenit duke shkaktuar probleme në shtyllën kurrizore.

"Veçanërisht gjatë vitit të kaluar, ajo është përkeqësuar dhe në të shumtën e rasteve është në shtrat”, është shprehur njëri nga familjarët e saj.

Arteriet në qafën e saj mund të shtypen nga kockat, duke e vënë atë në rrezik të lartë për një goditje në tru.

Në shumë raste ajo është e irrituar, me sjellje fëminore, e çorientuar dhe dëshiron të hajë sasi të tepërt të ushqimit, për shkak të sindromës.

Rreth 1.000 njerëz në të gjithë botën vuajnë nga ky  çrregullim, i cili zakonisht njihet si "Sindroma e Bukuroshes së Fjetur", ku  dy të tretat e të sëmurëve janë meshkuj.

Tani vajza dhe familja e saj nga Mbretëria e Bashkuar duhet të mbledhin 100,000 paund, për operacionin që do t’i shpëtojë jetën.

Gjendja e saj sa vjen dhe përkeqësohet dhe rruga e vetme është të shkojë në Spanjë për t'u trajtuar nga një neurokirurg që është i specializuar.

Tani Beth ndihet shumë e frikësuar, pasi sëmundja mund të sjellë dëme të pakthyeshme.

“Unë jam gjallë, por nuk jetoj", është shprehur Beth, e cila shpreson që të paratë të mblidhen sa më shpejt për operacionin e saj.

Beth

TAG:
• gjume
• semundje
• bukuroshja e fjetur
• beth goodier