POP 5

Lajmet më të lexuara të 5 minutave të fundit

Politikë

Noka s’del nga salla, Ruçi
shtyn seancën për nesër

Është ndërprerë sërish seanca plenare, pasi u shoqërua me debate të forta. Deputeti Flamur Noka nuk pranoi të dalë nga salla, pas përjashtimit nga seanca, duke detyruar kryeparlamentarin Ruçi që të ndërpresë sërish seancën plenare. Ruçi ka njoftuar që seanca të rinisë ditën e nesërme gjatë orëve të paradites.  VIDEO
Noka s’del nga salla, Ruçi<br />shtyn seancën për nesër<br /><br>
Është ndërprerë sërish seanca plenare, pasi u shoqërua me debate të forta. Deputeti Flamur Noka nuk pranoi të dalë nga salla, pas përjashtimit nga seanca, duke detyruar kryeparlamentarin Ruçi që të ndërpresë sërish seancën plenare. Ruçi ka njoftuar që seanca të rinisë ditën e nesërme gjatë orëve të paradites. 

“Tetë deputetë të mazhorancës kërkojnë thirrjen e Byrosë së Kuvendit për përjashtimin e deputetit Flamur Noka. Nëntë deputetë të opozitës kanë bërë kërkesë te kryetari i Kuvendit që të marrë masa ndaj deputetit Edi Rama. Njoftoj seancën se pas konsultimit nuk mund ta marr në konsideratë këtë kërkesë”, tha Ruçi. 

Pas ndërprerjes së seancës dhe shtyrjes së punimeve të Kuvendit për nesër, deputeti i PD, Flamur Noka tha se po i bëhet atentat demokracisë. “Ato që kam pasur komente për t’i bërë i kam bërë. Këtu është atentat ndaj demokracisë”, u shpreh për mediat Flamur Noka teksa linte Kuvendin. Ishte pikërisht përplasja e Flamur Nokës me Gramoz Ruçin, pasi ky i fundit s'i dha fjalën për procedurë, që solli edhe përplasjen në Kuvend. Noka kërkoi të flasë pas Ramës me pretendimin se ai kishte fyer ish-kryeministrin Sali Berisha. Pasi nuk u lejua që të flasë, Noka bllokoi foltoren e Kuvendit, duke larguar nga aty deputetin e LSI, Shezai Rrokaj. Ky veprim i deputetit demokrat bëri që kreu i Kuvendit, Ruçi ta përjashtojë atë nga seanca. 

Në këtë moment, deputetët e PD u ngritën nga karriget të revoltuar, duke përsëritur të njëjtën skenë si një javë më parë kur u ndëshkua Lulzim Basha. Për këtë arsye, Ruçi ndërpreu seancën dhe njoftoi mbledhjen e saj në orën 17:00. Me rifillimin e seancës përsëritet sërish e njëjta histori, Flamur Noka refuzon të dalë nga Kuvendi, ndërsa Gramoz Ruçi ndërpreu punimet duke njoftuar shtyrjen e seancës për nesër në orën 08:30.   

Ndërkohë në orën 19:00, Ruçi ka njoftuar thirrjen e Byrosë së Kuvendit për të shqyrtuar kërkesën e PS mbi përjashtimin e deputetit të PD, Flamur Noka. Ndërsa ka rrëzuar kërkesën e PD-LSI për përjashtimin e kryeministrit Edi Rama për fyerje ndaj ish-kreut të qeverisë Sali Berisha. 

FAKSIMILE

FAKSIMILE


Redaksia Online
d.ç-l.q/Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04