Norvegjia mbyll portet për anijet ruse, përveç atyre të peshkimit

Norvegjia do të mbyllë portet e saj për anijet ruse, me përjashtim të anijeve të peshkimit. Norvegjia nuk është pjesë e Bashkimi Europain, por qeveria ka deklaruar se do të ndjekë linjën e BE-së.

Norvegjia njoftoi të premten se do të zbatonte grupin e pestë të sanksioneve ndaj Rusisë, për të cilin kanë rënë dakord 27 vendet e unionit.

Kjo përfshin ndalimin, me disa përjashtime, për transportin rrugor të mallrave nga Rusia, me të cilën Norvegjia ndan kufirin e Arktikut, përmes vendkalimit Storsko ndërmjet dy vendeve.

Ndalimi i ankorimit në portet norvegjeze të anijeve me flamur rus do të hyjë në fuqi më 7 maj dhe nuk do të prekë anijet e peshkimit, shumë prej të cilave zbrazin gjahun e tyre në bregun norvegjez ose në arkipelagun norvegjez Svalbard.

“Sanksionet janë mjetet tona kryesore të presionit kundër regjimit rus. Është kyçe këtu të qëndrojmë pranë BE-së dhe vendeve të tjera, për të vazhduar që të dobësojmë aftësinë e Rusisë për të financuar luftën në Ukrainë”, tha ministrja e Punëve të Jashtme e Norvegjisë.

Lajmi kryesor:

Lufta/ Zelensky: Zbulohet një varr masiv me 900 trupa në Kiev! Pentagoni: Nesër mbërrijnë në Ukrainë armët e reja! Lavrov: Negociatat ngecën për shkak të pandershmërisë së Kievit

SI.E./Shqiptarja.com

TAG:
• ukraine
• Rusi
• rusia sulmon ukrainen
• kiev