'Nuk arritëm të mbajmë premtimin...'Kryeministri slloven: Gabim historik dështimi i negociatave me Shqipërinë

Duke komentuar dështimin e negociatave të BE-së për fillimin e bisedimeve të pranimit me Shqipërinë dhe Maqedoninë e Veriut,  kryeministri slloven Marjan Sarec tha se, kjo mundësi ka humbur dhe tashmë dëmi është bërë dhe se besueshmëria e BE-së në rajon është cenuar.

“Do të ketë probleme në të ardhmen, sepse këto vende nuk do t’i besojnë më BE-së dhe ende nuk dihet nëse ne do të arrijmë të hapim rrugën europiane për këto vende”, deklaroi Sarec në Bruksel.

“Ne nuk arritëm ta mbanim premtimin tonë…”, deklaroi Sarec.

Kryeministri slloven, Sarec tha se, “Sllovenia e kishte bërë shumë të qartë pozicionin e saj dhe bashkë me shumë vende të tjera kishte paralajmëruar për pasojat e paparashikueshme në rastin e një bllokade për negociatat.”

“Është diskutuar gjithashtu edhe për një gabim historik. Kjo pa dyshim që nuk është një shenjë e mirë. Ne do të shohim se si do të shkojnë gjërat, por ne nuk jemi shumë optimistë”, shtoi Sarec, ndërsa kritikoi shtyrjen e vazhdueshme të vendimeve.

“BE-ja duhet të zgjidhë çështjen e  zgjerimit nëse dëshiron të qëndrojë një komunitet i besueshëm ku shumë vende të tjera dëshirojnë të anëtarësohen”, deklaroi Sarec.

G.M./Shqiptarja.com
  • Sondazhi i ditës:

    A mendoni se do të zbatohet kodi etik nga ministrat e kabinetit Rama 3?

Komento


×

Lajmi i fundit

John

Rama nxjerr pamje nga inaugurimi i Teatrit të Operas dhe Baletit: Kushte dinjitoze për të qenë në lartësinë e zërave të njohur në botë