Nuk deklaroi refuzimin e vizës nga SHBA, KPA lë në fuqi shkarkimin e ish-Prokurorit të Krimeve të Rënda, Eugen Beçi

Ish-Prokurori i Krimeve të Rënda, Eugen Beçi

Komisoni i Posaçëm i Apelit lënë në fuqi shkarkimin e ish-Prokurorit të Krimeve të Rënda Eugen Beçi nga ana e KPK-së.

Ish-prokurori u shkarkua nga Komisioni i Pavarur i Kualifikimit në 26 qershor të vitit 2019 pasi ai rezultoi se ai nuk kishte deklaruar refuzimin e vizës nga Shtetet e Bashkuara të Amerikës.

Gjithashtu, prokurori "rebel" i Krimeve të Rënda rezultoi se kishte probleme me një apartament si dhe me shlyerjen e një kredie të marrë për blerjen e tij.

Drejtoria e Sigurimit të Informacionit të Klasifikuar ka dorëzuar dy raporte për Eugen Beçin pranë Komisionit të Pavarur të Kualifikimit. Në datën 4 prill të 2019, DSIK ka depozituar pranë KPK një raport të dytë për Beçin, duke korrigjuar raportin e parë.

Në raportin e dytë, DSIK thotë se prokurori i Krimeve të Rënda ka bërë deklarim të pasaktë në plotësimin e deklaratës për kontrollin e figurës, pasi nuk ka deklaruar revokimin e vizës amerikane.

E.M./Shqiptarja.com
  • Sondazhi i ditës:

    A do të shkoni të votoni në zgjedhjet parlamentare të 25 prillit?

Komento


×

Lajmi i fundit

John

Rang kombëtar/ 1 javë para 25 prillit, shqiptarët i japin PS-së mandatin e tretë! Asnjë ndryshim këto 11 ditë për 3 partitë e mëdha