‘Nuk e kam menduar që të iki jashtë vendit’, e reja nxjerr ‘blof’ Berishën dhe Floriana Garon (VIDEO)

TIRANË- Sali Berisha, një nga “armët” për të sulmuar qeverinë është se vendi po shpopullohet nga të rinjtë dhe këtë u përpoq që të tregonte edhe në takimin e sotëm me zonjat e shquara.

Një e re, Krista Kovaçi, kampione në sportin e xhudos ka treguar për vështirësitë që i është dashur të kalojë për të arritur sukseset që numëron sot dhe për këtë, zëdhënësja e Berishës e “ngacmoi” duke e pyetur nëse e ka menduar që të lë vendin dhe të shkojë jashtë shtetit. Përgjigjja e saj duket se nuk ishte ajo që Garo apo Berisha priste. E reja tha se pavarësisht vështirësive tha se nuk e mendon largimin.

Floriana Garo: E ke menduar që të ikësh jashtë shtetit

LEXO EDHE:
Marrëveshja zgjedhore dhe e Djathta!

Krista Kovaçi: Jo as nuk do ta mendoj kurrë, sepse këtu ku jam dua të  bëhem shembull për femrat në moshën time (Garo qesh)

Megjithatë, përtej këtij episodi, Berisha premtoi se më ardhjen e PD-së pushtet do të mbështesë suksesin ndaj vajzave dhe grave në veçanti.

‘Një kohë kjo e jona jo e thjeshtë, një kohë e vështirë, sepse si shoqëri e lirë në vend që të kemi një ecuri në rritje dhe në tërësi drejt suksesit, nuk janë ritmet që duhet dhe shpesh në fusha të caktuara ka edhe kthim pas. Por kjo sigurisht kërkon një zgjidhje dhe besoj se do të marrë zgjidhjen e duhur. Ju garantoj ju se Partia Demokratike nesër në pushtet do të bëjë gjithçka për të inkurajuar suksesin në tërësi, por suksesin e vajzave dhe grave në veçanti, sepse them edhe një herë, asgjë nuk ka një ndikim më cilësor se ky lloj suksesi. Unë jam për të ju dëgjuar juve sot, sepse ju keni shumë gjëra çfarë mund të ju thoni atyre që po na dëgjojnë sot nga eksperienca juaj, suksesi juaj, jeta juaj’, - tha gjatë fjalës së tij, kreu i PD-së, Berisha.

Në fund, ai e cilësoi Ramën si “piktori që shkatërroi artin”. 

B.K./Shqiptarja.com

TAG:
• Krista Kovaci
• sali berisha
• PD