'Nuk ishte parashikuar të vinte', Xavi Hernandez: Braziliani bën polemika të kota

Barcelona e këtij sezoni mbeti pa trofe, teksa klima e mirë në ekip u rikthye pasi Xavi vendosi të zgjaste kontratën në krye të stolit. Kohët e fundit te katalanasit ka një çështje "Vitor Roque". Braziliani nuk po merr minuta dhe për këtë disa javë më parë reagoi agjenti i tij, Andre Cury.

Në lidhje me situatën foli edhe trajneri Xavi Hernandez, i cili tha se nuk e prisnin Roquen në janar dhe debatet e fundit janë të kota.

"Roque nuk ishte parashikuar që të transferohej në janar, por në fund vendosëm që për të mirën e tij dhe për të pasur më shumë kohë për t’u ambientur të afrohej që në merkaton e janarit. Tani ka nisur një debat që për mua nuk ka kuptim. Ai është një lojtar i ri që kërkon kohën e vetë për t’u rritur, pa harruar më pas konkurrencën në skuadër. Kjo ndodh gjithmonë me të rinjtë", tha Xavi.

LEXO EDHE:
Fyerjet raciste kundër Vinicius, dënohen me burg tre tifozët e Valencias

40 milionë euro pagoi Barcelona te Atletico Paranaense për të bërë të vetin talentin 19-vjeçar brazilian i cili luan në sulm. Në vetëm 276 minuta të aktivizuara, Roque ia ka dalë të shënojë dy gola këtë sezon me Barçën në La Liga.

S.DH/Shqiptarja.com

TAG:
• Vitor Roque
• Xavi Hernandez
• barcelona
• la liga