POP 5

Lajmet më të lexuara të 5 minutave të fundit

Kronikë

Studentët kërkojnë dorëheqjen e Dhori Kules se nuk shkoi në takim, Dekanati: Nuk caktuan datën dhe orën

Studentët e Ekonomikut kanë refuzuar kërkesën e Dekanit Dhori Kule për të çuar një përfaqësi prej 20 vetash në takimin me të. Në ambientet e Fakultetit kanë qenë të pranishëm një numër i konsiderueshëm studentësh, gjë e cila ka bërë që Kule të mos shkojë fare në takim me ta. Studentët, nën argumentin se dekani nuk po i mbështet në tetë kërkesat e parashtruara, kërkojnë dorëheqjen e tij.

TIRANE - Studentët e Fakultetit Ekonomik kërkojnë dorëheqjen e Dhori Kule, me argumentin se dekani nuk po i mbështet ata për tetë kërkesat e parashtruara qeverisë. Studentët e Ekonomikut kishin kërkuar takim me Kulen, por ky i fundit kishte propozuar që studentët të ngrinin një përfaqësi prej 20 vetash. Kule iu kishte bërë të ditur se këtë përfaqësi do ta priste në një takim këtë pasdite, për t'i dëgjuar lidhur me 8 kërkesat e parashtruara (Lexo këtu). 

Por studentët e kanë refuzuar propozimin e tij dhe mësohet se në ambientet e Fakultetit Ekonomik janë paraqitur një numër i konsiderueshëm studentësh. Nisur nga prezenca masive e studentëve, dekani Dhori Kule nuk ka shkuar në takim dhe ka qenë pikërisht ky veprim i tij që ka sjellë edhe reagimin e studentëve.

Mbledhja ishte parashikuar për t'u zhvilluar në orën 16:00 të pasdites. Studentët kanë pritur 30 minuta dhe pasi kanë konstatuar se dekani nuk do të vinte, ata i janë drejtuar pjesës së studentëve që po protestojnë përpara Kryeministrisë.Njëri prej tyre u shpreh për gazetaren e Report Tv se "Dhori Kule duhet të dalë dhe të tregojë a është me studentët apo jo, se cfarë përgjegjësish ka qeveria dhe universiteti". Ai bëri me dije gjithashtu se përgjatë ditës së nesërme, studentët e Fakultetit Ekonomik do të propozojnë krahas bojkotit edhe metoda të tjera që do të shoqërojnë protestën e tyre. 

Studentët e mbledhur në ambientet e Fakultetit Ekonomik

Pas kërkesës së studentëve për dorëheqjen e Dhori Kules, ka ardhur reagimi i Dekanatit të Fakultetit Ekonomik. Në një deklaratë të shpërndarë për mediat, Dekanati sqaron se pretendimet e studentëve nuk qëndrojnë, duke hedhur poshtë se ka qenë Dhori Kule ai që nuk ka shkuar në takim. Në reagim saktësohet se ka pasur një kërkesë për takim nga një student por që nuk kishte njoftuar për datën dhe orën e mbajtjes. Megjithatë, Dekanati thekson se ditën e hënë ora 09:00 pret në takim përfaqësinë e studentëve (Lexo të plotë). 

Kryeministri Edi Rama mbajti dy ditë më parë një takim me dekanët dhe rektorët e universiteteve në vend, nga ku i cilësoi si të vetmit fajtorë për situatën e sotme të Arsimit të Lartë në Shqipëri. Kreu i qeverisë ngriti akuza edhe sa i takon keqadministrimit dhe abuzimeve financiare, ndërsa paralajmëroi rishikimin e autonomisë së universiteteve (Lexo këtu).

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Populli: 15/12/2018 23:07

    Po Kule eshte I zoti per t'u fshehur,e ka bere gjithnje ,edhe per gjera me pak te rendesishme. Ka mundesi te zhduken keto klanet neper universitete???Sa ryshfete ka marre zoteria e tij tere kohen sa si dekan sa si rektor?????nuk jam me student prej yyy vitesh,por nderkohe ky mbetet nje krimb qe ka yyyy vite qe po gerryen veçanerisht Fakultetin Ekonomik. Studente ju lumte qe protestoni,por eshte koha te mos lejoni askend te perdore sinqeritetin tuaj e mbi te gjitha te mendoni ne me shume zgjuarsi te arrini rezultate. Te dialogosh nuk eshte humbje. E jam vertete pjese e popullit qe ju mbeshtet ,s'jam as njeri partiak e as s'kam ndermend te jem. Kam femije e hapat tuaj mund te ndryshojne edhe te ardhmen e tyre,prandaj vertet ju uroj te silleni me zgjuarsi dhe ju uroj shume suksese!

    Përgjigju
  • Miri: 15/12/2018 23:02

    Po Idlir Duhangji kur do arrestohet, ai eshte pedagogu me gjobvenes i juridikut shkoder, beni nje kontroll tek provimet e dhena ndaj studenteve te tij, te gjithe kane paguar,

    Përgjigju
  • Avduli: 15/12/2018 18:20

    Ky eshte simboli I sistemit te kalbur universitar! Eshte surati me I peshtire I simbiozes politike- staf akademik!

    Përgjigju
  • Ehuu: 15/12/2018 18:06

    Kjo tregon tamam se clloj proteste. Kur vete puna per ramen bam te na i plotesoj tani kerkesat kurse kur vete puna te dekanet e sales keta studenta kan frike

    Përgjigju
  • leoni: 15/12/2018 18:01

    Mos kerkoni doreheqjen, por burgosjen e Cules...

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Spiralja e rrezikshme e përshkallëzimit

Spiralja e rrezikshme e përshkallëzimit

20 Prill, 11:58 nga Ditmir Bushati