TIRANE-Sot ka nisur dhënia e granteve të rikonstruksionit dhe riparimit të banesave individuale në bashkinë Kamëz, të dëmtuara nga tërmeti i 26 nëntorit. Kryeministri Edi Rama u shpreh se janë 771 familje, që përfitojnë drejtpërsëdrejti pagesat e granteve për riparimin e dëmeve të shtëpive të tyre në Kamëz. Kreu i qeverisë tha se qeveria do të paguajë një për një të gjithë banorët në nevojë për riparime të dëmeve të tërmetit.
"Janë 9 bashki që kanë bërë gati listat, që janë; Shijak, Kamëz, Rrogozhinë, Kurbin, Mirditë, Vorë, Kavajë, Krujë pjesërisht dhe Tiranë pjesërisht dhe pritet këtë javë më tutje qoftë me Tiranën dhe Durrësin. 9429 përfitues dhe në total kemi një shumë paraprake 3 mld lekë, ose 30 mln dollarë që po shpërndahet te qytetarët. Bashkia Kamëz në total sot po shpërndan 163 milionë e 890 mijë lekë.
Shumë shpejt do të fillojë ndërtimi i banesave individuale dhe kolektive. Ajo që do të ndodhë, është që gjithcka do të bëhet me standarde dhe sipas kriteresh të mirëpërcaktuara, si kudo në Europën që aspirojmë që të kemi këtu në Shqipëri. Infrastruktura nën dhe mbi tokësore, shërbimet dhe jo thjeshtë shtëpitë, që patjetër do të jenë më të forta, më të bukura dhe më të mira dhe cilësore se shtëpitë që për fat të keq familjet humbën në natën tragjike të 26 nëntorit. E keqja e madhe që kaluam do të kompensohet me të mirën e madhe të një transformimi fantastik që do të jetë realitet për mijëra familje shqiptare" tha ai.
Takimi online i zhvilluar diten e sotme
Për kryebashkiakun e Kamzës Rakip Suli qytetarët ishin mosbesues, por e pabesueshmja u bë realitet dhe i morën lekët. "Qytetarët e Kamzës kanë një falenderim shpirtëror. Sot ka filluar shpërndarja. E kemi çuar te posta dhe ndarja vijon normalisht duke llogaritur mos kemi grumbullim njerëzish. Janë 4 pika gjithsej të shpërndarjes. Te 771 familje ndihet dora e shtetit pas shumë e shumë vitesh. Ishte e pabesueshme, por ja që ndodhi në realitet, këto janë fjalët e qytetarëve" tha ai.
Gjatë takimit online që kryeministri po zhvillonte, ministrja e Mbrojtjes Olta Xhaçka nga zona e Bathores në Kamzë i dha çelësat e shtëpisë së re një familje, banesa e së cilës u dëmtua nga tërmeti. Ministrja zbuloi se kishte qenë mbesa 11-vjeçe, Edlira që i kërkoi ndihmë kryebashkiakut Suli dhe se nuk u shkul nga dera derisa e takoi. "Shkova te zyra e xhaxhi Rakipit, i dhashë më është shembur shtëpia nga tërmeti, i kërkova ndihmë, ai u tregu shumë i mirë, ma bëri shtëpinë, falenderoj kryeministrin për shtëpinë dhe kryetarin e bashkisë" tregoi vajza 11-vjeçe, e lumtur tashmë për shtëpinë e re.
Ministri i Rindërtimit Arben Ahmetaj theksoi se disa nga donatorët kanë filluar punën në terren. "Do të përfitojnë mbi 20 mijë familje në total nga grantet, shuma do të shkojë rreth 80 mln dollarë, vetëm Durrësi shkon 24 mln dollarë, ndërkohë që për qytetarët që na ndjekin them se kemi një serë donatorësh që kanë filluar punën me shkollat, Katari, KWF gjermane, qeveria e Austrisë, e Zvicrës, etj. Dje, Fondi i Zhvillimit hapi fazën e dytë për shtëpitë individuale dhe brenda 10 ditëve shpresoj të kemi rezultatin e parë për të hapur punën në terren" tha ai.
Lajme të tjera
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
