Autoriteti Kombëtar Ushqimor në kuadër të masave për parandalimin e Covid-19 ka kërkuar të gjitha subjekteve që tregtojnë fruta-perime, ti paketojnë apo ti mbulojnë ato me qëllim shmangien e kontaktit apo spërklave të mundshme gjatë të folurës apo teshtitjes së personave. Nisur nga ky urdhër ReportTV bëri një vëzhgim në disa prej tregjeve të fruta perimeve në qytet e vendit ku u vu re se në pjesën më të madhe të tyre ky urdhër nuk është zbatuar nga tregtarët. Në kryeqytet tregtarët duket se e kanë marrë më seriozisht këtë urdhër teksa shprehen se janë të hapur përballë kësaj mase të ndërmarrë por kërkojnë një ndërgjegjësim nga ana e qytetarëve. Gjithashtu ka dhe nga ata tregtarë që kërkojnë që procesi paketimit duhet të kryhet nga tregtarët e shumicës dhe malli të vijë i ambalazhuar.
“AKU-ja ka shumë të drejtë, qeveria ka shumë të drejtë por njerëzit nuk ndërgjegjësohen, pikë. Mosha e tretë që nuk duhet të dali fare nuk vendos as maska, as doreza dhe më vjen tek hundët mua, po ç'ke mo zotëri se i zgjedh unë ç'ke. Është shumë vendim shumë i drejtë dhe ne nuk kemi problem ti mbulojmë, ja i mbulova ja dorezat, ja maskat të gjitha në rregull por nuk ndërgjegjësoj dot qytetarët. Kaq kushte sa ka tregu, me kaq orë pune duhet të rrish gjithë ditën e gjithë natën që të ambalazhosh frutat. Kjo është gjë e bukur por duhet të vijë që nga shumica ambalazhimi, duhet të kërkohet që tek shumica ambalazhimi që të kalojë tek ne” u shprehën disa nga tregtarët e fruta perimeve.
Ndërkohë për qytetarët kjo nuk është zgjidhja më e mirë dhe efektive por është një masë që duhet zbatuar për shkak të situatës emergjente që po kalojmë. “Për momentin një zgjidhje është, pse jo. Mënyra më e mirë nuk është gjendur akoma tamam tamam, ne do improvizojmë deri në momentin sa të shpëtojmë. Do ti ndjekim rregullat vetëm kështu do shpëtojmë, nuk ka zgjidhje tjetër”- u shpreh një qytetare.
Më të pabindur duket se janë tregtarët e fruta perimeve në Fier dhe Durrës ku këto produkte ushqimore vijojnë që të shiten pa u ambalazhuar me plasmas. Fierit është qyteti më problematik, specifikisht në tregje. Edhe pse renditet i dyti, pas Tiranës për numrin e lartë të rasteve me Covid-19, ku krahas mos zbatimit të urdhrit të AKU dyndja e qytetarëve në tregje për të blerë fruta-perime pa masa mbrojtëse, doreza dhe maska mbetet shqetësuese. Nga ana tjetër në tregun e fruta-perimeve në Durrës nuk lejohet asnjë blerës apo tregtar pa maska dhe doreza, ndërsa urdhri i AKU për të paketuar produktet ushqimore ende nuk ka gjetur zbatim.
Komente
Lajme të tjera
-
Gazetari ‘influencer’ ngriti alarmin për prodhime bujqësore me helm, Braçe: Dy kompanitë që tregtuan 'lodrat kineze' u zhdukën! Morët ca para për të dëmtuar bujqit
29 Gusht, 19:55 -
AKU tërheq nga tregu djath mozzarella me datë të skaduar dhe vezë të lëngshme me salmonelë
1 Gusht, 15:00 -
Copa metali tek 'Milka Biscotti', AKU: S’ ka prezencë të këtij produkti në magazinë dhe as në raftet e shitjes
23 Korrik, 16:24 -
U konsumua 13.2 ton akullore me përbërje kancerogjene, reagon AKU: Brenda 7 ditësh u tërhoq e gjithë sasia nga tregu
17 Korrik, 16:56 -
SAFIAL, projekti që sjell siguri ushqimore në Shqipëri! Investimi 2.4 mln € nga Italia
7 Qershor, 18:07 -
Tiranë, shisnin produkte ushqimore pranë shkollave, gjobiten 4 persona
18 Mars, 13:34 -
Tentoi të korruptonte drejtorin e AKU-së në Tiranë, arrestohet pronari i një baxhoje në Durrës
22 Shkurt, 13:24 -
AKU kontrolle në Durrës, Korçë e Fier, 300 mijë lekë gjobë për 3 biznese
28 Dhjetor 2023, 10:44 -
AKU kontrolle në Fier, marketi me ushqime të skaduara! Shkelje edhe një subjekt në Korçë
26 Dhjetor 2023, 10:10 -
AKU masa ndëshkuese për ushqim të pasigurt, bllokohet qumësht dhe nënprodukte të tij në Kukës, Elbasan dhe Durrës
19 Dhjetor 2023, 10:57 -
Kastravecat me pesticide në Lushnjë, Gjermania kthen 24 tonë! AKU: Do asgjësohen
24 Nëntor 2023, 17:28 -
Ishin me miza! AKU bllokon dhjetëra pako me miell dhe oriz në Durrës
9 Nëntor 2023, 20:28
Po ca paketimi ore se do bejne baterdine duke i mbushur me kalbesira paketimet. Ashtu sic vendosin qeset neper mbajeteset e cadrave, t vendosin dhe dorashka plastmasi dhe nuk ka nevoje per paketim. Keshtu e ka zgjidhur bota. Dhe ky duhet te jete kriter i perhershem, jo vetem ne kohe virusesh dhe infeksionesh..
Përgjigju