Përfundon aventura e koncesionarit "Kurum" në portin detar të Durrësit. Kompania turke është larguar nga porti detar i Durrësit pasi humbi në gjykatë të drejtën për vijimin e kontratës për koncesionin e terminalit të kontenierëve.
Prej dy ditësh përmbaruesit e shtetit ndodhen në terminalin e kontenierëve duke kryer procedurat të cilat konsistojnë në kalimin e të gjitha aseteve të këtij terminali në duart e Autoritetit Portual Durrës(APD).
Pasi të përfundojë kjo procedurë turqit e "Kurum"-it nuk do të kenë më lidhje me portin detar të Durrësit, edhe pse dje nga punonjësit e kësaj kompanie ka pasur një rezistencë për përmbaruesit, por puna vijon normalisht.
Divorci
Ka qenë Ministria e Infrastrukturës dhe Energjetikës ajo që vendosi të divorcohet me 'Kurum'-in. Për të arritur në këtë pikë kjo ministri e paditi në gjyq koncesionarin turk sepse ky nuk i ishte përmbajtur pikave të kontratës duke mos realizuar disa pika ku më kryesorja ishte mosrealizimi investimi.
Pas disa seancave gjyqësore Ministria e fitoi gjyqin me Kurum-in dhe në këto kushte ai do të largohet nga porti i Durrësit. Edhe pse shërbimi i përpunimit të kontenierëve në portin detar është një biznes fitimprurës, duket se Kurumit gjërat nuk i kanë shkuar mirë duke mos kryer investimet që ishin planifikuar në kontratë.
Historia
Historia e turqve në portin e Durrësit zë fill që në fillim të viteve 2000. Ata fillimisht ju qasën portit duke blerë nga polakët kantierin detar të riparimit të anijeve. Pas disa vitesh qëndrimi në kantier,për nevojat e zgjerimit të terminalit të trageteve,atyre ju propozua nga ana e Ministrisë së Transporteve të asaj kohe që të këmbenin kantierin detar me terminalin e kontenierëve i cili shtrihet në kalatën nr 6 dhe 7.
Turqit e pranuan një këmbim të tillë sepse ishte më fitimprurës si dhe i shërbente edhe për transportin e skrapit nga porti në Metalurgjikun e Elbasanit gjithashtu në pronësi të tyre. Volumi i punës në këtë terminal ka njohur rritje nga viti në vit sepse në lojë hynë edhe bizneset e Kosovës dhe Maqedonisë të cilët transportojnë mallra me konteinerë dhe porti i Durrësit është nyje e shkëlqyer tranziti.
Por duket se bilancet financiare nuk ishin ato që priteshin dhe turqit nuk realizuan dot pikat e kontratës së koncesionit përsa i përket investimeve që duhej të realizonin brenda perimetrit ku shtrihet ky terminal. Për këtë arsye ata e panë veten si palë në gjyq me Ministrinë e Infrastrukturës dhe Energjetikës e cila ishte nënshkruesja e këtij koncesioni për palën shqiptare.
Turqit e humbën këtë gjyq dhe po bëjnë gati valixhet që të largohen nga porti i Durrësit.
Perspektiva
Përpunimi i konteinerëve është një biznes shumë fitimprurës. Brenda vitit në këtë port përpunohen qindra mijëra konteinerë që vijnë e ikin në të 4 anët e botës. Pas largimit të turqve nga porti cili do të jetë fati i përpunimit të konteinerëve? Ky shërbim do ti rikthehet si dikur APD do ti jepet me koncesion ndonjë kompanie private.
Burime nga APD sqarojnë se ende nuk ka ndonjë vendim parlamenti dhe qeverie për këtë shërbim. Në këto kushte, inventari i aseteve do ti kalojë APD dhe derisa të merret ndonjë vendim,ky shërbim do të menaxhohet prej tij.
Por në planet e zhvillimit të portit është parashikuar që një pjesë e përpunimit të anijeve të kalojë në Porto Romano dhe kalatat e portit tradicional të Durrësit të jenë në funksion të trageteve,kroçerave dhe jahteve.
Komente
Lajme të tjera
-
Anija me 2100 tonë mbetje të dyshuara të rrezikshme në Durrës, pret në radën e jashtme! Prokuroria sekuestrohen 102 kontejnerët: Monitorim 24 orë! Rrjeti i Bazelit: Zbuloni origjinën (VIDEO)
28 Tetor, 07:38 -
Anijet me mbetje ankorohen nesër, PD protestë pranë portit të Durrësit
27 Tetor, 12:21 -
Ekskluzive/ Me kamion nga Italia solli 88 mijë euro cash në Durrës! Detaje të operacionit, si u zbuluan ‘pakot’ që prangosën 34-vjeçarin! U nis nga Napoli (EMRI+VIDEO)
24 Tetor, 11:35 -
Anijet me mbetje të dyshuara të rrezikshme mbërrijnë në Portin e Durrësit me 27 tetor! BAN thirrje qeverisë shqiptare: Beni analizat dhe transparencë
21 Tetor, 13:31 -
Porti i Durrësit, tetori nis me ardhjen e qindra turistëve nga e gjithë bota
1 Tetor, 17:08 -
'Mbetjet e rrezikshme të Kurum' në Kuvend! Rama në interpelancë: Aludim psikopatologjik i artikuluar nga goja 7 penxherëshe! Bardhi: Kush i lejoi?
12 Shtator, 07:09 -
Bardhi interpelancë nesër në Kuvend për anijen me 816 ton mbetje toksike, burime për Report Tv: I përgjigjet vetë Rama
11 Shtator, 20:24 -
Fatos Çoçoli: Kompani që padisin Shtetin dhe bëjnë kontrabandë? Si po pastrohet Porti i Durrësit
6 Shtator, 10:33
-
Lulzim Basha: Marrëveshja me Kurum si ajo e rafinerisë së Ballshit, SPAK të nis hetimet! Para drejtësisë çdo zyrtar i përfshirë
4 Shtator, 17:49 -
KURUM mbylli aktivitetin, arrihen negociatat për punëtorët, Llatja: Ata që do rrinë në shtëpi do paguhen 35 mijë lekë në muaj, kush punon pagë 100%
4 Shtator, 12:27 -
Opozita kërkon tre ministra të qeverisë Rama në interpelancë! Shehaj pyet Kumbaron për licensimin e kompanisë ‘Sokolaj’ për transportin e mbetjeve
3 Shtator, 17:22 -
Anija me 816 ton mbetje, prokuroria merr mostra për analizimin nëse ishin toksike apo jo! Pritet të dërgohen për ekspertizë jashtë vendit
3 Shtator, 16:59
Tani ka radhen ndonji ”KURUM” i serbis të instalohet në Durrës...
PërgjigjuTa marin italianët! Sytë nga Italia e tutje!
Përgjigju