POP 5

Lajmet më të lexuara të 5 minutave të fundit

Arkiva

Numërim i votave në Fier
rrezikohen rezultatet on line

KQZ pranon zyrtarisht dështimin e aplikimit të projektit të numërimit elektronik të vortave në Qarkun e Fierit, SEN. Mbledhjen e djeshme KQZ mori vendimin që në këtë qark numërimi fletëve të votimit të bëhet nga komisionerët e grupeve të numërimit.
TIRANE - KQZ pranon zyrtarisht dështimin e aplikimit të projektit të numërimit elektronik të vortave në Qarkun e Fierit, SEN. Mbledhjen e djeshme KQZ mori vendimin që në këtë qark numërimi fletëve të votimit të bëhet nga komisionerët e grupeve të numërimit.

"Komisioni Qendror i Zgjedhjeve vendosi zbatimin e numërimit me dorë të votave në zonat zgjedhore të qarkut Fier, në zgjedhjet e 23 qershorit", tha kryetarja e KQZ-së, Lefteri Lleshi. Shkaku final i dështimit të këtij projekti është fleta e votimit, e cila përmban më shumë parti seç u miratua në KQZ, plotë 67, pas kandidimit të Dritan Priftit si deputet i pavarur.

Dështimi i projektit kushtoi rreth 1 milion euro. Sipas kontratës të firmosur mes KQZ dhe kompanisë "Indra", në total për numërimin elektronik do të paguheshin rreth, 1.4 milion euro, ndërsa me prishjen e kontratës, sipas marrëveshjes,firmës i është paguar rreth 70 % e kësaj shumë, që përkon me përfundimin e testit të numërimit elektronik.

Dështimi i projektit nuk ishte aq i papritur. Qe me nënshkrimin e kontratës, KQZ ishte në dijeni të kushtit të vendosur nga kompania, se ajo mundësonte vetëm leximin e fletës me përmasa të limituara, shtuar kësaj faktin që afatet kohore për realizimin e projektit dhe testimin e tyre u shkelën me mbi pothuaj një muaj.

Ndërkaq vetëm pesë ditë përpara zgjedhjeve, KQZ nuk ka nxjerrë ende aktet për projektin tjetër, atë të identifikimit të votuesve në Tiranë dhe projektit të transmetimit online të të dhënave nga vendet e numërimit të votave, një projekt i financuar nga USAID.

"Nëse kompania është e njohur me të gjitha vërejtjen e të gjithë aktorëve që janë në proces, ajo që duhet thënë është akti i KQZ-së për të vënë në lëvizje realizimin e këtij projekti. Do të ishte me shumë interes nëse ne do të informoheshim për këtë çështje", tha Genc Gjonçaj. Sipas Lleshit, sa përket tabelës së rezultateve në 21 qershor është planifikuar një test pranë KQZ.

Shkrimi u botua sot në gazetën Shqiptarja.com (print) 18.06.2013
 
Redaksia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03