POP 5

Lajmet më të lexuara të 5 minutave të fundit

Arkiva

Numërimi i votave ndryshon
ritëm, përshpejtohet procesi

Procesi i numërimit të votave në të gjitha Vendet e numërimit të Votave në mbarë vendin ka filluar të ecë më shpejt. Mbasditën e së hënës numërimi i votave ndryshoi hap, duke e çuar në 2582 numrin e kutive të numëruara deri në orën 21.00 të mbrëmjes.
TIRANE- Procesi i numërimit të votave në të gjitha Vendet e numërimit të Votave në mbarë vendin ka filluar të ecë më shpejt. Mbasditen e së hënës numërimi i votave ndryshoi hap, duke e çuar në 2582 numrin e kutive të numëruara deri në orën 21.00 të mbrëmjes.
 
Në një intervistë të dhënë për “Deutche Welle”, Eduard Kukan, kryetar i Delegacionit ad hoc të Parlamentit Europian në Shqipëri, tha se procesi i numërimit6 ë votave për zgjedhjet parlamentare të 23 qershorit do të përfundojë brenda ditës ës sotme, rreth orës 22.00, sipas konfirmimit që i ka bërë kryetarja e KQZ, Lefterije Lleshi.
 
Mbase këto ritme me të cilat po ec tashëm numërimi i votave do të çojnë në një përmbyllje të shpejtë të procesit.
 
Prej mbrëmjes së djeshme vazhdon numërimi në të gjitha qarqet. Në disa KZAZ komisionerët e numërimit kanë ndërprerë punën për shkak të lodhjes së komisionerëve. Procesi në përgjithësi ka ecur i qetë.
 
E megjithatë edhe gjatë ditës së sotme, më 24 qershor, nuk kanë munguar problematikat dhe përplasjet në Vendet e Numërimit të Votave, lidhur me ecurinë e procesit.
 
Kështu, në KZAZ numër 33 në Tiranë, sipas Partisë Socialiste, punonjës të CEZ tentuan të afrohen tek kutitë e votimit.
 
Ndërprerje të procesit të numërimit ka pasur edhe në KZAZ-në nr. 20 në gjimnazin “Naim Frashëri” në Durrës. këtë KZAZ ka shkuar ministri i Drejtësisë Eduard Halimi, i cili ka kërkuar që një pjesë e komisionerëve të Partisë Socialiste të mos qëndrojnë në qendrat e numërimit. Sipas Halimit, kandidat i PD në qarkun e Durrësit kampi i majtë kishte më shumë komisionerë seç duhej në qendrat e numërimit në KZAZ nr 20.
 
Ndërsa, komisionerët e PD-së kanë bllokuar për rreth 30 min procesin e numërimit edhe në KZAZ-në nr 22 në gjimanzin “Leonik Tomeo”.
 
Procesi i numërimit po ecën ngadalë në disa qarqe, ndërsa sipas projeksioneve të deritanishme, procesi i numërimit ka përfunduar për 45 % të kutive të votimit.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40