POP 5

Lajmet më të lexuara të 5 minutave të fundit

Sociale

Për 10 ditë erdhën për festa nga Porti i Durrësit 30 mijë emigrantë! Nis largimi, fluks në pikat kufitare në vend

Festat e fundvitit sollën në atdhe mijëra shqiptarë, të cilët tashmë po largohen drejt vendeve të tyre të punës. Këtë të mërkurë nga Porti i Durrësit do të nisen 4 tragete me afërsisht 6 mijë udhëtarë.

TIRANË- Porti i Durrësit ka shërbyer si një ndër pikat kufitare hyrëse më të rëndësishme në rrugë detare, duke regjistruar në 10 ditët e fundit të vitit që sapo lamë pas, plot 30.000 qytetarë që kanë hyrë në vendin tonë për festa.

Autoritetet shtetërore e privatë që operojnë në këtë nyjë të rëndësishme të vendin kanë operuar me kapacitet të plotë, duke shmangur vonesat apo krijimin e radhëve në përpunimin e tyre në 26 sportelet.

Referuar burimeve zyrtare, tragetet e linjave nga Durrësi drejt Barit e Ankonës (Itali) kanë operuar me rrugë dyfishe përgjatë periudhës 22.12.2022-24.12.2022, kur u shënua dhe numri më i lartë i udhëtarëve në hyrje. Ndërkohë, ditët e para të vitit 2023, ka nisur të ndjehet fluksi i përqendruar tashmë në dalje, pra nga vendi ynë në drejtim të porteve italiane. Nga data 4 janar dhe deri më datë 9, sipas të dhënave zyrtare, konfirmohet se tragetet do të operojnë më lundrime dyfishe brenda ditës për përballimin e fluksit të udhëtarëve

Nga ana tjetër, për datën 3 janar në Kapshticë kanë hyrë 2591 persona ndërsa kanë dalë 5192. Në Qafë Thanë kanë hyrë 2634 persona dhe kanë dalë 2948. Numri i daljeve është më i lartë se ai i hyrjeve duke qenë se pjesa më e madhe e emigrantëve shqiptarë qëndrojnë në vend deri në përfundimin e festave dhe më pas krijohet fluks gjatë kthimit të tyre në vendet ku punojnë. Ditën e djeshme po ashtu u raportua një numër shumë më i lartë i daljeve nga vendi krahasuar me atë të hyrjeve.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Goshe: 04/01/2023 18:04

    Në verë i quani turista. Në dimër i quani emigrantë.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34