Numëron plot 1230 vite por vazhdon të rritet, pema më e vjetër në Europë ndodhet në Itali/FOTO

Megjithëse ka 1230 vjet, pema më e vjetër në Evropë po vazhdon të rritet, teksa shkencëtarët thonë se kjo pishë vazhdon të zhvillohet, duke shtuar rrathë të konsiderueshëm në trung.

Studiuesit që e kanë emëruar ‘Italus’, thonë se pisha i mbijetoi nxehtësive ekstreme dhe thatësirave të shumta. Studimi i kësaj pishe, pritet t’ju ndihmojë shkencëtarëve, që të mësojnë më shumë se si ndikojnë ndryshimet klimatike në pemët malore.

Italus në hapësirën shkëmbore
Sipas studimit të botuar në ‘Ecology’, Italus ka mbirë në faqemalin shkëmbor të jugut të Italisë, në vitin 789 Pas Erës Sonë.

Kjo pemë është gjetur rastësisht, pasi po bëheshin studime dhe vëzhgime nga Universiteti Tuscia, nëpër hapësirën e Parkut Nacional Pollino.

(Pema më e vjetër në Europë)

Pisha e llojit Helderich, që zakonisht ndodhen në atë hapësirë shkëmbore, i ka mbijetuar motit të ftohtë që ishte gjatë Mesjetës, si dhe temperaturave të larta së fundmi.

Rrënjët e pishës së lashtë
Është e qartë se ngrohja globale, nuk po i shkakton asnjë problem pishës mijëvjeçare. Më herët, rrathët në trung ishin shumë më të ngushta, ndërsa kur moti nisi të ngrohet, rrathët janë më të gjëra, që tregon se po rritet në kushte të favorshme.

(Pema më e vjetër në Europë)

Pisha bëhet më e vjetra në Evropë, pasi ia kaloi një pishe në Greqi që është e vjetër 1075 vjet.

TAG:
• peme
• itali
• italus