POP 5

Lajmet më të lexuara të 5 minutave të fundit

Politikë

Në arrest shtëpie, Berisha shkel për herë të pestë vendimin e GJKKO, ‘reciton’ para militantëve të Rithemelimit me letër në dorë nga dritarja

Sali Berisha në arrest shtëpie ka shkelur për herë të pestë vendimin e GJKKO e cila ia ndalon të komunikojë me persona të tjerë përveç atyre me të cilët bashkëjeton. Edhe mbrëmjen e kësaj të shtune ish kryeministri ka komunikuar nga dritarja me militantët e Rithemelimit.

Në arrest shtëpie që prej 30 dhjetorit të 2023 për aferën “Partizani”, Sali Berisha ka shkelur për herë të pestë vendimin e GJKKO.

Ndonëse e ka të ndaluar që të flasë me persona të tjerë përveç atyre me të cilët bashkëjeton, Berisha edhe këtë mbrëmje ka dalë në dritaren e shtëpisë ku po zbaton masën e sigurisë dhe me një letër në dorë ka nisur të “recitojë” para atyre pak militantëve të Rithemelimit që i ka mbledhur poshtë pallatit në rrugën Mustafa Matohiti.

Kjo është mbrëmja e katërt që Berisha flet nga dritarja duke dhënë shfaqje për militantët e Rithemelimit, por ndërkohë duke sfiduar hapur drejtësinë, ndërsa herën e parë vendimin e shkeli në një komunikim me gazetën Bild.

Po të premten, në shkelje flagrante të vendimit të gjykatës, u publikuan pamje se në banesën e Berishës futen edhe persona të tjerë, siç është një djalë që shfaqet në dritare duke rregulluar kabujt teknikë për foninë e mikrofonit me të cilin ish-kryeministri komunikin me militantët nga dritarja.

Për herë të parë nga vendosja e arrestit në shtëpi më 30 dhjetor, policia zhvilloi të premten një kontroll blic në shtëpinë e tij për të parë nëse ish-Kryeministri po e zbaton masën e sigurisë. Pas këtij kontrolli oficerët e policisë do të përgatisin një raport për SPAK, ku pritet të përfshijnë fjalimet e Berishës nga dritarja, në shkelje të vendimit të gjykatës.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 07/01/2024 03:21

    E mo lereni te flase,se nuk prish pune.Heret a vone,i izoluar brenda do t'i mbarojne idete per fjalime dhe militantet qe i mblidhen poshte do te lodhen e gradualisht do te largohen e do t'a lene vetem.Cuditem si nuk ndejten me te gjate gjithe nates se 31 Dhjetorit?! Gjeli doli me i forte e me i rendesishem se Saliu!

    Përgjigju
  • Aliu: 07/01/2024 00:19

    I nderuat SPAK .Syte e popullit jane tek Ju. Mos u frikesoni nga lugati Berisha.Ne sulm e me drejtesi !

    Përgjigju
    • Hahaha: 07/01/2024 09:11

      Syt e popullit jan nga spaku

  • XXX: 07/01/2024 00:13

    Nje shprehje popullore thote : " Cdo fis e ka nje pis " Pisi kryesor del ne ballkon dhe ju flet pisave te mbledhur poshte . Pisat do mbrojne demokracine.Ja ku kemi arritur. Detyra e SPAK eshte lufta kunder ketyre pisave.Besoj se do dali fitimtar .

    Përgjigju
  • Arbeni: 06/01/2024 23:56

    Me sa po shohim SPAK'ut nuk ja mban te zbatoje ligjin.Ne keto momente ai duhet te trajtohet si cdo qytetar tjeter.Berisha gjithe jeten e tij,sidomos ne demokraci,ka bere si i ka dashur qejfi.Ai ishte tamam sikurse akuzon Ramen.Kurre nuk ka pyet gjykate e prokurori.Edhe tani,del ne dritare e i qane hallet popullit.Pa pike turpi i mblidhen ca qorra tek sheshi poshte pallatit,me Mulin ne krye.Qesharake.Berisha iu kujton pjesemarresve sukseset e PD nen udheheqjen e tij si : Anetaresimi ne NATO , Rruga e kombit ,etj. etj.,por as nuk flet dhe as nuk e pyet kush,as gazetar e as analist,per kontributin e tij per firmat piramidale,per tentativen per grusht shteti,per rolin e tij dhe te qeverise qe drejtonte per nxitjen e armiqesise veri - jug,per Gerdecin , per 21 janarin,per abuzimet me detyren,per vrasjet e disa eksponentve ,per njemije e njeqind te tjera qe nuk numrohen.Nen udheheqjen e tij vete pas firmave piramidale dhe shkatrrimit te ushtrise u vrane mbi 4 mije qytetar.Kjo ishte ajo qeveri qe ai sot mburret.Turp per ate dhe per ata qe i shkojne pas.Te denohet sa me pare e te na hiqet wafes.

    Përgjigju
  • drini L.: 06/01/2024 19:28

    Turp, turp, turp Kjo qe po ndodh eshte teresisht e papranueshme per nje shet normal. Cfare arresti shtepiak eshte ky, cfare izolimi eshte ky? Pse ore nga nje grup njerzish trembet nje shtet e nje shoqeri e tere Zbatoni ligjin si per cdo qytetare tjeter.

    Përgjigju
  • Ledi: 06/01/2024 19:03

    Nuk eshte ne rregull prandaj shekel vendim in. Del cdo fire dhe felt me Mylar dhe Palokat

    Përgjigju
  • Sondazhi i ditës:

    A po jep rezultate lufta e SPAK ndaj grupeve kriminale?

Lajme të tjera



×

Lajmi i fundit

Mirlind Daku nuk ka marrë ftesë nga Sylvinho për në Euro 2024

Mirlind Daku nuk ka marrë ftesë nga Sylvinho për në Euro 2024

19 Maj, 19:58