Me dhjetëra familje nga qarku i Elbasanit kanë protestuar përpara dyerve të Shërbimit Social Shtetëror pasi kanë muaj që nuk përfitojnë pagesën e ndihmës ekonomike. Në sajë të skemës së re me pikë, që po aplikohet për çdo familje nga autoritetet e qeverisë, këto familje në Elbasan kanë mbi gjashtë muaj që nuk paguhen,  dhe sipas tyre nuk ju është dhënë asnjë përgjigje zyrtare. Shqetësimeve që kanë ngritur këto dhjetëra familjarë nga Elbasani ju është përgjigjur zyrtarisht edhe drejtuesja e SHSSH, Etleva Bisha. Ajo u shpreh se të gjitha familjet do të shqyrtohen rast pas rasti.