Këshilli i Agjencisë për Median Elektronike (SAEM) në Malin e Zi kërkoi nga Organi Rregullator për Median Elektronike në Serbi që të iniciojë procedurat për mbajtjen përgjegjës të transmetuesit televiziv "Happy TV" me seli në Beograd, për shkak të asaj që e cilësoi “shkelje të standardeve të përcaktuara nga Konventa për Televizionin Ndërkufitar”. Këshilli kërkoi të ndërmerren masat e duhura ndaj këtij televizioni që ka shikueshmëri edhe në Malin e Zi.
“Ky televizion pa mëdyshje dhe në vazhdimësi transmeton përmbajtje që nxisin urrejtje, intolerancë dhe diskriminim ndaj komunitetit malazez", thuhet në njoftimin e Këshillit të Agjencisë për Media Elektronike.
Në fillim të këtij viti ky këshill, ndaloi transmetimin për gjashtë muaj të programit “Novo jutro”, i cili transmetohej në televizionin serb Pink.
Asokohe, këshilli vuri në dukje se “kjo media është shembull i shkeljes së standardeve profesionale dhe etikës gazetareske”.
Ndërkohë, raportuesi i Parlamentit Evropian për Serbinë, Vladimir Bilçik, reagoi ndaj rikthimit të televizionit shtetëror rus "Russia today” në Serbi, të cilën e sheh “në kundërshtim me angazhimin e Beogradit për të harmonizuar politikën e tij të jashtme me BE-në”.
"Veprimet flasin më shumë se fjalët. Kthimi i propagandës ruse në Serbi, në formën e "Russia today", është në kundërshtim me angazhimin e Serbisë për të harmonizuar politikën e saj të jashtme me BE-në. Një vend që është një kandidat serioz për anëtarësim në BE, nuk duhet të jetë një qendër dezinformimi nga Kremlini”, shkruante zoti Bilçik në Twitter.
Gazeta ruse “Sputnik” njoftoi të dielën se së shpejti “Russia today” do të fillojë transmetimet në gjuhën serbe.
Në mars, Këshilli i BE-së vendosi të pezullojë transmetimet e mediave shtetërore ruse "Russia today" dhe "Sputnik" në të gjithë vendet e Bashkimt Evropian.
Sipas Brukselit zyrtar, këto dy media janë instrumente të rëndësishme në "nxitjen dhe mbështetjen e agresionit rus" kundër Ukrainës dhe se ato përfaqësojnë një "kërcënim të madh e të drejtpërdrejtë për rendin publik dhe sigurinë e BE-së"./VOA
Lajme të tjera
-
Lufta në Ukrainë/ Presidenti kinez i paraqet Scholz-it “katër parimet” për paqen! Zelenskyy thirrje aleatëve: Dëshmoni për Ukrainën unitetin që treguat për Izraelin
16 Prill, 12:37 -
Arton Zekaj zgjedh Kosovën, mediat serbe 'shpërthejnë' ndaj 23-vjeçarit të lindur në Suboticë
16 Prill, 12:01 -
SHBA: Kina po forcon makinerinë e luftës ruse në Ukrainë
15 Prill, 20:49 -
Ambasadori i BE-së takon Holta Zaçajn: Gjykata Kushtetuese, institucion kyç për demokracinë në Shqipëri
15 Prill, 19:30 -
'Dy ditë të rëndësishme', Basha në Strasburg: Votohet anëtarësimi i Kosovës në KiE dhe konfiskimi i aseteve ruse për rindërtimin e Ukrainës
15 Prill, 10:52 -
Franca pezullon shitjen e avionëve luftarakë Rafale për Serbinë
15 Prill, 09:57 -
Qeveria gjermane përgatit planin për rindërtimin e Ukrainës
15 Prill, 09:20 -
Emrat e rinj të ambasadorëve dhe të emisarëve të BE-së në Ballkanin Perëndimor
15 Prill, 08:16 -
Vuçiç: Do loboj në SHBA kundër rezolutës për Srebrenicën në OKB
14 Prill, 20:12 -
Vuçiç i quan policët e Kosovës terroristë: Arrestuan një burrë trim që është plagosur nga shqiptarët
14 Prill, 17:43 -
Mali i Zi arreston ish-kryeprokurorin special
14 Prill, 13:39 -
Ambasadori holandez: Bashkëpunimi i PS me opozitën i rëndësishëm për integrimin në BE, realizoni reformën zgjedhore
14 Prill, 10:07
