POP 5

Lajmet më të lexuara të 5 minutave të fundit

Kronikë

Nxorrën në media fotot e 17 armëve moderne të kapura në Papër, merret i pandehur një oficer

Eduart Hasani vihen nën akuzën, kolegu i tij Edvin Gjyli vijon të jetë nën hetim së bashku me Ilir Bekon, pronarin e karburantit ku u gjetën armët.

Nxorrën në media fotot e 17 armëve moderne të kapura në Papër, merret i pandehur një oficer

Eduart Hasani dhe armët e sekuestuara në Papër

Zbulimi i 17 armëvë të prodhimit modern në Papër të Elbasanit, ka sjellë marrjen të pandehur të njërit prej oficerëve që dyshohet se dekonspiroi aksionin e policisë kriminale në Elbasan. Nën akuzën nga prokuroria e Elbasanit është vënë oficeri Eduart Hasani, ndërkohë çështja penale për oficerin tjetër Edvin Gjyli, është veçuar dhe vijojnë hetimet.

Hasani mësohet se akuzohet për veprën e “Shpërdorimit të detyrës” dhe “Nxjerjes së sekretit hetimor”, pasi dyshohet se ka qënë ai njeriu që ka shpërndarë tek persona të tretë dhe më pas në media, fotografitë e kapjes së arsenalit të madh të armëve në një magazinë karburanti në Papër. Kapjen e 17 armëve policia e ka mbajtur sekrete, por dalja në media e fotografive, ka bërë që prokuroria e Elbasanit në vijim të hetimeve të kryera të marë në pyetje dhe një gazetare.

17 armët e prodhimit modern janë zbuluar në muajin korrik 2019, pas një informacioni të mbërritur në policinë e Elbasanit, se një person ende i paidentifikuar, kishte takuar afër një pike karburanti, njërin nga vëllezërit Baho, Klevi Baho, para se atyre ti bëhej atentat me armë.

Pikërisht ky informacion ka sjellë kontrollin e disa banesave në fshatin Papër të Elbasanit. Situata në 1 korrik në këtë zonë ka qënë shumë e tensionuar, pasi gjatë natës dy vëllezërve Klevi dhe Aldo Baho, u ishte bërë atentat me 24 plumba kallashnikovi, ku njëri prej tyre Klevi mbeti i vrarë dhe tjetri i plagosur rëndë.

Kontrollin e banesave që policia kishte selektuar u është besuar repartit special RENEA në Tiranë, ku efektivët e këtij reparti gjatë kontrollit në ambjentet e karburantit “Eldio Petrol”, krejt rastësisht kanë zbuluar një bazë armatimi, që besohet se i përket një grupi kriminal të fuqishëm në Elbasan. Për këtë arsenal të madh armësh u shpall në kërkim dhe më pas u vetëdorëzuar Ilir Beko, pronari i karburantit “Eldio Petrol”, i cili momentalisht vijon të jetë nën hetim.

Armët e sekuestuara në Papër

Eduart Hasani

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alfons: 20/10/2020 23:46

    Ju q.. robt prokurori dhe polici legene e elbasanit,po oficerin me te lodhur gjetet te denonconi,nuk merreni me ata oficera qe bashkepunojne me kriminelat dhe merren dhe me droge por merreni me kete te shkretin qr paska bere dy foto,car sekretinka nxjerre ky kur ne vendngjarje kane qene gjysma e komisariatit te policise dhe lajmi kishte marre dhene pa arritur ky ne vendngjarje.

    Përgjigju
  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06