WASHINGTON- Presidenti amerikan Barack Obama ka patur një bisedë telefonike me Kancelaren gjermane Angela Merkel nga ku është konkluduar se SHBA dhe Gjermania do të rakordojnë veprimet e tyre në lidhje me situatën e tensionuar në Ukrainë.
 
Sipas një komunikate të zyrës së shtypit të Shtëpisë së Bardhë, Obama dhe Merkel kanë rënë dakort për “nevojën që Rusia të tërheqë forcat e saj, që të autorizohet shkuarja e observatorëve ndërkombëtarë në Ukrainë si dhe të zbatohen të drejtat e njeriut në Krime. Së fundmi që të ketë zgjedhje të drejta e të lira në vend”.-shkruan agjensia italiane ANSA duke cituar komunikatën e Shtëpisë së Bardhë.
 
Në deklaratë shtohet se dy liderët kanë folur dhe për nevojën e “krijimit të një grupi dialogimi mes Ukrainës zyrtare dhe Rusisë, me qëllim për të përmirësuar gjëndjen aktuale dhe për të rikthyer integritetin territorial të vendit”-citon ANSA.

Redaksia Online
(ak/Shqiptarja.com)