OBSH: Në ditët e sotme vetmia është kërcënimi urgjent për shëndetin global

Organizata Botërore e Shëndetësisë ka deklaruar se vetmia është sot kërcënimi urgjent për shëndetin global. ‘Vetmia’ i kapërcen kufijtë dhe prek çdo aspekt të shëndetit, mirëqenies dhe zhvillimit,” thotë ekipi i OBSH.

OBSH ka ngritur një komision ndërkombëtar për këtë problem që sipas këtij organi erdhi pas pandemisë Covid-19, ngjarje që rriti nivelet e vetmisë.

Rreziqet shëndetësore janë po aq të këqija sa pirja e duhanit deri në 15 cigare në ditë dhe madje më të mëdha se rreziqet që lidhen me obezitetin dhe pasivitetin fizik, sipas mjekëve të OBSH. Ndërsa vetmia shihet shpesh si një problem për vendet e zhvilluara, ekspertët  thonë se raporti 1 në katër të moshuar që përjetojnë izolim social është i njëjtë në të gjitha rajonet e botës.

Tek të moshuarit, vetmia shoqërohet me një rritje prej 50% të rrezikut të zhvillimit të demencës dhe një rritje prej 30% të rrezikut të sëmundjes së arterieve koronare ose goditjes në tru. Por ajo dëmton edhe jetën e të rinjve. Midis 5% dhe 15% e adoleshentëve janë të vetmuar, sipas shifrave zyrtare. Të rinjtë që përjetojnë vetminë në shkollë kanë më shumë gjasa të braktisin universitetin. Ajo gjithashtu mund të çojë në rezultate më të dobëta ekonomike, ndjenja e shkëputur dhe e pambështetur në një punë mund të çojë në performancë më të dobët në punë.

Sipas OBSH në vendet ku shumica e popullsisë përbëhet nga të rinj, sfidat rreth paqes, sigurisë dhe krizës klimatike, si dhe nivelet e larta të papunësisë, po kontribuojnë në izolimin social. OBSH shton se kjo çështje nuk prek vetëm një vend, por është një kërcënim i nënvlerësuar për shëndetin publik.

S.S/r.k./Shqiptarja.com

TAG:
• OBSH