Personat që nuk kanë simptoma të koronavirusit rrallë e përhapin infeksionin më tej, tha epidemiologia e Organizatës Botërore të Shëndetësisë, Maria Van Kerkhove.
"Në bazë të të dhënave që kemi, duket se një person pa simptoma rrallë e transmeton (virusin) te një person tjetër", tha ajo.
Sipas saj, të dhënat e OBSH-së bazohen në raportet e vendeve që monitorojnë në detaje kontaktet e të infektuarve, përfshirë rastet asimptomatike.
Van Kerkhove tha po ashtu se njerëzit që nuk kanë simptoma të sëmundjes që e shkakton koronavirusi, COVID-19, shpesh e kalojnë më lehtë atë.
Ajo përsëriti se koronavirusi përhapet përmes pikave të pështymës, të cilat mund të lëshohen kur dikush kollitet ose teshtin.
"Sikur t’i kishim vëzhguar të gjitha rastet simptomatike, t'i kishim izoluar ato, t’i kishim monitoruar kontaktet dhe t'i kishim vendosur në karantinë, do të kishim zvogëluar në mënyrë drastike transmetimin e koronavirusit", tha Van Kerkhove.
OBSH ka deklaruar se asimptomatikët nuk e përhapin infeksionit nga koronavirusi, por disa studime të mëparshme kanë treguar mundësinë e infektimit nga pacientë të cilët ende nuk kishin zhvilluar simptomat tipike të sëmundjes.
Kështu, shkencëtarët janë të ndarë për rolin e asimptomatikëve në emergjencën e shkaktuar nga pandemia e re e koronavirusit.
Në janar, virologu italian Roberto Burioni kishte paralajmëruar popullatën, duke marrë parasysh një lajm të botuar në The Lancet...
"Duket e mundur ekzistenca e pacientëve asimptomatikë, të cilët janë mirë, nuk kanë ethe, por mund të përhapin koronavirusin", shpjegoi atëkohë eksperti, kur Covid-19 nuk e kishte bërë ende paraqitjen e tij në Itali”.
Në Itali, çështja e Vo 'Euganeo, në provincën e Padovës, e prekur rëndë nga pandemia, alarmoi transmetimin e mundshëm të virusit nga ata që nuk kishin ende simptoma. Studimet treguan se midis 50 dhe 75% e njerëzve të testuar ishin pozitivë, por pa patur simptoma. Kina raportoi gjithashtu se 4 nga 5 pacientë ishin asimptomatikë. Në një artikull të botuar në ‘British Medical Journal’ thuhej se "shumë ekspertë besojnë se rastet e pazbuluara dhe asimptomatike të infeksionit të koronavirusit mund të jenë një burim i rëndësishëm i ngjitjes". Një studim kinez, tregoi se 78% e njerëzve të testuar ishin pozitivë por pa simptoma. Një seri studimesh të tjera kryera në Kinë, gjithashtu treguan të njëjtin përfundim, duke nxjerrë në pah një prani të fortë të pacientëve që vuajnë nga Covid-19, pavarësisht mungesës së etheve, vështirësisë në frymëmarrje dhe simptomave tipike të sëmundjes.
Duket se deklarata e OBSH-së ka lënë të hutuar shumë studiues, mes të cilëve edhe ata në Itali, të bindur për mundësinë e asimptomatikëve për të përhapur koronavirusin. "Asimptomatikët mund të transmetojnë virusin dhe shumë studime të kryera deri më tani e demonstrojnë këtë - tha Antonio Cassone, ish drejtor i Departamentit të Sëmundjeve Infektive të Institutit të Lartë të Shëndetit.
Lajme të tjera
-
Studimi global ngre alarmin e miopisë tek fëmijët, celularët dhe pajisjet e tjera po i verbojnë! Okulisti: 4 në 10 fëmijë shfaqin probleme
5 Tetor, 18:14
-
Nis projekti për eliminimin e pajisjeve matëse me mërkur nga sistemi shëndetësor shqiptar
19 Shtator, 20:16 -
STUDIMI/ Ja çfarë i ndodh trupit tuaj, nëse konsumoni arrë kokosi çdo ditë! Një nga frutat më të rekomandueshëm edhe nga OBSH
1 Shtator, 18:17 -
Lufta në Rripin e Gazës/ OBSH: Fushata për vaksinimin e 640 mijë fëmijëve fillon nesër! Në 24 orë 89 palestinezë u vranë nga Izraeli
31 Gusht, 15:33 -
OBSH: Izraeli pranon armëpushim ditor në Gazë për vaksinimin e popullatës
30 Gusht, 15:16 -
Lufta në Gaza/ Borrell: S’ka unanimitet për sanksionet ndaj ministrave izraelitë! OBSH: Marrëveshje për pauza për vaksinimet kundër poliomielitit
29 Gusht, 22:14 -
OBSH shpall sërish linë e majmunëve si emergjencë globale për shëndetin publik
14 Gusht, 21:13 -
OBSH për Evropën: Vaksinimi shpëtoi 2 milionë persona nga vdekja prej COVID
10 Gusht, 16:43 -
OBSH shpreh shqetësim për shkallën e ulët të vaksinimeve kundër koronavirusit
6 Gusht, 21:51 -
'Shqipëria me numrin më të ulët të mjekëve në rajon', Orjola Pampuri: OBSH thekson se numri i mjekëve u tkurr me 15%
10 Maj, 14:06 -
OBSH: Shqipëria me numrin më të ulët të mjekëve për banorë në Europë më 2020
2 Maj, 07:48 -
Burri nga Holanda 613 ditë i infektuar me COVID, iu gjetën mutacione të virusit
26 Prill, 20:16
