OBSH rekomandon vaksinën AstraZeneca edhe për personat mbi 65 vjeç dhe për variantet e reja të Covid-19

Pavarësisht diskutimeve të shumta në lidhje me efektshmërinë e saj, Organizata Botërore e Shëndetësisë ka rekomanduar sot përdorimin e vaksinës të Oxford AstraZeneca për Covid-19 te njerëzit që nga 18 vjeç e sipër duke përfshirë është ata mbi 65 vjeç, për të cilët më herët ishte thënë se nuk duhej përdorur. Udhëzimi i organizatës bazohet në këshillat e lëshuara nga Grupi Këshillimor Strategjik i Ekspertëve (SAGE) mbi Imunizimin.

“SAGE rekomandon që këto vaksina të administrohen në dy doza në gjysmë mililitri secila, me një distancë kohore ndërmjet 4 dhe 12 javësh midis dozës së parë dhe të dytë”, tha Dr. Alejandro Cravioto, kryetari i SAGE, gjatë një konferencë për shtyp .

Vaksina AstraZeneca ka deklaruar një efektivitet prej 63.09% kundër koronavirusit, sipas rekomandimeve të përkohshme të OBSH-së. SAGE tashmë kishte bërë rekomandime për vaksinat Pfizer / BioNTech dhe Moderna dhe se në javët e ardhshme, do të ketë  më shumë rekomandime kur do të shqyrtohen provat nga kandidatët e ndryshëm e ndryshëm të vaksinave.

Pas polemikave të shumta dhe vendimit të disa shteteve evropiane për të mos lejuar vaksinimin e me AstraZenneca të personave mbi 65 vjeç apo edhe ndalimin e përdorimit të saj në Zvicër apo Afrikën e Jugut, OBSH ka rekomanduar sot vaksinën e AstraZeneca-s edhe për njerëzit mbi 65 vjeç, dhe kundër varianteve të reja të Covid.

/r.k./Shqiptarja.com

TAG:
• OBSH
• Koronavirus
• Vaksina Covid
• AstraZeneca